UFunFun 討論區 - Powered by Discuz! Board

標題: 我想問下天主教徒點睇"新教"protestantism? [打印本頁]

作者: 陷入疑團 時間: 2008-12-2 07:44 標題: 我想問下天主教徒點睇"新教"protestantism?

我係一個做左christian 一個多月, 係brisbane既浸信會受洗.
你地覺得天主教徒同新教徒有乜分別?

想問下玫瑰經係乜野??

作者: suika 時間: 2008-12-2 13:35

小小題外話, 樓主既然返浸信會, 何解你信得一個月咁快可以有得受"浸"? 受"浸"前要上的慕道班、信仰基礎班、浸禮班等等...點計都唔只一個月咁短個播?

Anyway, 樓主你又覺得天主教徒同新教徒有乜分別?

作者: 陷入疑團 時間: 2008-12-2 17:23

聖經入面有即信即受洗既例子.

我有多年哲學的底子, 唯一欠缺的就是我咁多年來信神而不信基督.
令我的信仰沒有了愛, 我只上了兩日主日學. 其他的全靠我的人生經歷, 與神在我人生的考驗補救.

我有些天主教的朋友, 我覺得新教徒跟天主教徒的分別, 很多是在儀式和習慣上.

作者: 羊爸爸 時間: 2008-12-4 16:31

你問我，我緊係答最個人感受，可能好多人不會同意：

由於新教門派極多，信徒當中沒有太強的一致性，真係咩人都有，好難定論。不過當中也有一些共通點我最感受深：

第一，門派性極強，稍不同於該宗派的觀點即會諸多批判，好批判以至否定他人觀點；
第二，什不寬容，對人對事對別異宗教及文化皆是；
第三，迷信，對邪靈／新統元神神化化之類的話題什有興趣，以至方舟遺跡，神蹟見證等等，不單只是所謂靈恩派的愛好，這點倒非常跨宗派；
第四，不論門派，對聖經字句求解非常執著地對字對句，似乎不只是[基要派]專利，看來香港新教徒大體都是接近基要派為主軸；
第五，對天主教認識9成錯誤非常，而且不願理解，卻又好批判，總之無法與之溝通信仰話題。

因此我已經不會再和公司同事，同學，朋友間的基督教徒討論任何信仰話題，以免自己落入憤怒的誘惑。當然，因為我之前試過啦已經。

至於玫瑰經：

玫瑰經將福音片斷分成五組，共25個小段，稱為奧蹟，加上其他禱文而成，用作頌唸默想。

歡喜五端：天使向瑪利亞報喜／拜訪依撒伯爾／耶穌誕生／獻耶穌於聖殿／耶穌十二齡講道
痛苦五端：耶穌山園祈禱／耶穌受鞭打苦刑／耶穌受茨冠的苦辱／耶穌背十字架上山／耶穌被釘死在十字架上
榮福五端：耶穌復活／耶穌升天／聖神降臨／聖母蒙召升天／天主光榮聖母
光明五端：耶穌受洗／加納婚宴／耶穌宣講天國／耶穌顯容／最後晚餐（立聖體聖事）

頌唸方法是，口中一邊頌唸禱文，思想默想福音奧蹟，默想福音即是作身歷其境的福音重溫。

口中重覆的禱文（聖母經）只是作為集中思棍的背境聲音，手中的唸珠作為計算次數之用，因此玫瑰經重點是默想福音面非口中唸唸有詞而已。

事實上沒有默想的玫瑰經，是沒有意思的，這是先教宗若望保祿二世的訓晦。
（http://www.catholic.org.tw/kaiyu ... igest/rosarium2.htm）

頌唸方法: http://www.catholicworld.info/rosary/

作者: 羊爸爸 時間: 2008-12-4 17:38

咁快領洗？呀唔係.... 咁快受浸？
我上左慕道班兩年，今年領洗。

作者: 時高時低 時間: 2008-12-7 03:50

第五，對天主教認識9成錯誤非常，而且不願理解，卻又好批判，總之無法與之溝通信仰話題。

呢句認同,而且連所謂"傳道人"都有呢個情況

真正的傳"道"-----傳"誤導"

作者: 陷入疑團 時間: 2008-12-8 06:54

有D接近基要派既新教徒, 真係有少少走火入魔.

我覺得基督徒真係要依靠holy spirit去分別對/錯, 我暫時既睇法係

1.認罪
2.悔改
3.接受耶穌基督, 接受holy spirt貫注生命
4.受洗
5.將基督當作道路,真理,生命
6.保持與神的良好關係讀經/祈禱

如果無holy spirit幫助, 我根本唔可以靠個人意志力遵守聖經上的法律.
所以我認為大部份宗教, 認為人靠良好行為上天堂的講法好有問題. 因為良好行為係末, 對基督的信心同愛是基石, 以良好行為可上天堂係本末倒置. 人可以有良好行為, 但可以不出自他的良心.
同時人又會犯罪, 罪同良好行為不能互相抵消. 一個好人犯了罪仍是罪人. 世上無一個義人, 何來靠行為得救?

所以在舊約時代只有極少人得到神喜愛而得救.

另外我覺得天主教中的德蘭修女是基督徒的好榜樣.

仲有審判者係基督.無任何人可以決定邊個上天堂. 基督叫我地愛我地既敵人, 更要愛我地既弟兄姊妹. 只要天主教徒仍然將基督當作道路, 真理, 生命, 仍然是我的弟兄姊妹.
我在澳洲有很多天主教的朋友.

作者: 扭扭人生 時間: 2008-12-8 18:05

1. 天主教徒當然將基督當作道路, 真理及生命. 否則就不是真正的天主教徒. 不要誤會, 以為天主教徒只信天主, 不信基督. 我們相信三位一體的聖父聖子及聖神. 我們相信基督為人類的救贖甘願拾生, 而後復活, 使我們得到永生的希望.

2. 良好的行為亦是來自基督的恩寵... 因為愛源於天父.

歡迎光臨 UFunFun 討論區 (http://ufunfun.com/)