小弟而家系英國讀緊書,諗住放EASTER假4月去東南歐自由行,其實我之前都試過系中國同英國backpack自由行,不過去歐洲backpack都係第一次,所以請咁多位幫幫忙比下意見,其實我之前都睇左你地好多POST,亦上網搵過好多資料,亦研究過LP,但都仲有好多問題,麻煩咁多位師兄師姐幫幫忙,唔好意思,可能問題會比較多….

我諗住4月1日出發,因為岩岩去番夏令時間,日光時間會長番D,咁可以睇多D.諗住大概24號就番uk,我係去窮遊,所以唔mind訓街同食麵包,最緊要睇多d見多d玩多d,budget大概預euro 600-700.因為我想flexible d,所以我唔會訂accomodation同埋訂晒邊日去邊度咁,只係大概個行程係咁:

4月1日英國飛雅典,跟住會去一個希臘小島,再由希臘小島去土耳其.跟住上番去羅馬尼亞buchareat同黑山(其實我係去番東歐,不過中途經過咁多個國家,諗住選一兩個stay1,2日咁,聽人講羅馬尼亞同黑山都幾靚),跟住就去匈牙利budapest,再去slovakia,然後過奧地利vienna,然後會去番捷克prague再去poland,跟住就番uk(或者先去poland再系prague飛番uk)

大家覺得…
1.
我個行程會唔會好趕?(其實我諗住會focus系turkey多少少)
2.
Budget夠唔夠?
3.
總共大概24-26日,時間應該點分配好?邊度值得玩多一兩日?
4.
以我咁既行程我應該買歐洲火車證(東歐+巴爾幹半島),歐洲巴士證(euroline),定係一程一程買好呢?
5.
希臘我打算只玩雅典同搭船去一個小島,其實仲有冇d值得去既地方呢?同埋去邊個小島好?(白色小屋?)
6.    Turkey我想去troy,巴格門,棉花堡跟住系istanbul搭車番上去,有冇其他地方好去?預幾多日好?去我頭先講果d用咩交通工具好?
7.
上番去東歐條路會經過好多國家(保加利亞,Macedonia,Albania,Romania,bosina….)有邊幾個值得我去一去,由其係如果我買巴爾幹半島火車票?
8.
HUNGARY除左BUDAPEST有咩好介紹?
9.
奧地利除左VIENNA又有咩好玩?
10.
其實SLOVAKIA值唔值得去呢?
11.
PRAGUE之外捷克有咩好玩?(溫泉島我興趣不大)
12.
波蘭我淨係知KRAKOW有鹽礦同猶太人集中營,仲有冇好介紹?
13.
我諗住買部NETBOOK去,方便到時CHECK火車期同HOSTEL,但去到點上網呢?
14.
我係咪應該系英國兌晒EURO先出發?
15.
同埋我聽人講如果買歐洲火車票既,其實你自己寫個日期落去,咁其實我可唔可以TRICKY D用支可以擦得既原子筆寫?咁可以搭多一兩日?
16.
有邊度可以CHECK晒D火車時間表?
17.同埋邊度有NAKED BEACH呀?


十萬個唔該!!!

希臘早排有好多城市都有反政府示威兼暴亂. 去時要小心留意.

Slovakia 個人認為不值得去, 可作中途停留
Austria 可以去 Salzburg

奧地利..我覺得情願唔去維也納都唔可以唔去薩爾斯堡(salzburg)
個度係一個好靚既小鎮..好似仙境一樣
亦係"the sound of music"既拍攝地方

巴爾幹半島上既簽證..你有冇睇清楚?
有齊兩本護照(bno同hksar)會好d
因為好多國家係香港冇領事館..要申請簽證就十級麻煩(我而家就係煩緊呢樣野)

你只係經過三幾個歐元區國家
唔洗一開始就換住..
帶英鎊去換會方便d

時間會有可能趕..
如果唔係對訓街有特別癖好既話..我會建議你訂好哂所有野同埋計劃好行程
因為計劃好哂既話..時間會好用d..
如果只係得個大概..好多時會走好多冤枉路...浪費好多時間...返而去到既地方更少
而且你去既都係東歐國家...好多住宿都好平..
大部份計返百鬆d港紙都有交易..
同埋東歐地方治安唔係太好..巴爾幹半島既局勢可能唔太穩定..正正經經有個地方訓會好d