浪費了的9年感情
其實我都同身邊好多朋友傾訴過，得出既結論係: 向前看，不要再想過去...努力做好自己，唔好再比自己後悔..
但近幾日心情又沉，今晚好想上網同你地分享下
我同佢行左9年，上年年中分手....佢今年3月就已經結左婚..
點解同佢分手? 並不是有第三者出現，原因係我覺得已經唔鐘意佢，冇心再為佢做任何野，加上佢迫結婚愈來愈緊，而我又未有錢...根本諗唔到結婚咁遠(我同佢同年...25以上)......加上唔想拖人...
上年差不多這個時候，我決定分手....
其實佢係一個好好既男仔，對我好好，對我屋企人都好好...又孝順..好鐘意我，事事以我為先..
但我對佢事事不關心，唔識錫佢，對佢唔好....自私...唔想理佢..
我做左一個似乎很蠢的決定，提出分手，而且很絕。因為大家都已經為大家的問題糾纏左好耐，為結婚問題達不到共識，覺得自己已經唔鐘意佢..
其實分手後一段時間，個人係鬆左好多...直至2個月前，得知佢已經同結左婚...我冇諗過自己既心情會低落得咁緊要。好唔開心...但自己諗過，假如佢未結婚，我都未必會搵返佢...
所以唔知自己係因為仲愛佢而唔開心，抑或係因為覺得自己真正失去一個曾經對自己咁好既人，而唔開心... 定抑或兩樣都有....!??
分左手差不多一年，係到2個月前先realize到真正失去佢，感受到個種痛苦......個人冇晒方向...唔知應該將自己放響邊。
同佢去過的地方，看過的戲，去過的商場，餐廳，一些歌...都令我想起她.......
前幾日連經常夢中跟他一起，回到以前的日子...醒來後很難受... 本來已然沒有再去想的了。
呢9年裡，佢為我哭過很多，我愛他不夠，不懂珍惜她。我自私，不為將來打算......唔識對佢好..
現在是後悔吧!?? 很可惜吧! 覺得自己總是很抵死，做人是有選擇的，而自己就總是後知後覺，不知道如何為自己選擇好的.....令自己後悔... 但又的不起心肝。
9年以來，一直都有他在身邊支持，就算我有幾頹，都冇離開我。一個不智的決定，現在開始，就要自己去面對。
藉我的故事，希望大家要珍惜眼前人(男/女朋友，家人/朋友)，做任何決定，都要有承擔結果的準備同決心。唔好一而再再而心令自己後悔!!
