何謂傳銷 - 不是賣廣告或招收水魚(2)

引用:

mlm有無得做, 咁就真係觀點與角度. 相信你都聽過非洲賣鞋o既故事. 非洲人無著鞋習慣, 你可以話因為咁而無market, 亦可以因為咁而話有好大market.

只有少數頂層可以賺大錢....可能有d公司制度係會以入會先後決定收入. 但係amway響香港35年, 但收入最勁嗰個直銷商只係20年前加入. 佢個介紹人o既收入遠不及佢高.

你認為大企業用哩個方法搵廉價銷售人員, 我不能反對, 因為的確可以咁認為. 什麼頭暈身興要自理, 試問有邊個打工仔唔係頭暈身興要自理? 大公司亦可以除時裁員.

當大企業改變營運方式, 將你o既事業摧毀....其實係唔成立. 因為如果你未建立網絡, 大企業改變, 對你無影響, 如果你已經有一個好大o既網絡, 你已經有足夠資金, 經驗同人脈去開創任何生意, 到時你駛乜驚.

至於你所講o既事實.....其實係點o既事實呢? 個事實就係有人成功有人失敗, 打工仔無保障, 做生意都係無保障, 做傳統生意需要一大筆資金起步, 做直銷生意唔需要. 有做賊o既直銷公司, 亦有正行o既直銷公司. 哩d就係事實, 如何扭曲?