只係一時感慨, 鍾意既就比少少回應啦!!

好多人以為, 開間公司做老闆, 就係做緊生意, 其實只係岩左一半...

9年前, 開左間公司, 做服務的, 全盛時期有廿幾個staff, run得幾順, 唔駛成日睇住都有穩定既收入, 直至某d原因, 因為政府政策改變, 差不多一舖清袋, 而家全公司得我一個人, 接下job, 唔做唔得...

我既感覺係, 如果你係得一個人, 做前線又係你, 做management又係你, 你根本唔係做緊生意, 你只係幫自己打緊工, 如果係打工, 咁同出去打工有咩分別 (出到去冇人請的另計!!)?? 出去幫人打工, 起碼老闆有一隊marketing既人, 會幫「你」接job, 勝在夠穩定, 如果打自己工, 接job又係你, 做既又係你, 付出多而收獲未必有所增加... 仲多左一份不穩定性係度...

所以, 想做生意的你, 要諗下如何可以退去做管理, 前線既野, 可以請到人做就比人做, 自己多左時間去發展公司, 方為上策!!

有些自僱人士自己已有一些客戶,
又唔想斷晒, 咪繼續下去啦
另外自僱的, 無論造幾多年,
都只係識自己範圍內認知的工作
長久下去, 其實等於同市場脫節
打開張 recruit , 人地要求已經多左好多野

好認同樓主講法......造老闆如果唔識發展業務,
不如去打工好過

揾錢唔係靠人多  ！  您估打交咩  :   
我識好多–人公司 咪一樣結婚又買樓 好視符您做么業務姐  ！

我意思唔係人多就等如賺錢, 我意思係, 一人公司唔等如生意, 一人公司等如打自己工, 就好似幫人打工都可以打到結婚生仔買樓, 我冇話過一人公司就一定賺唔到錢.

我提出既point 係, 如果你係一人公司, 你要諗發展, 又要兼顧前線 (無論係賣野, 做service, 定係咩都好, 你都係要做), 付出既同收獲, 「未必」係正比.

等如, 我開一個麵包店, 自己做埋一份, 結果, 可能做到老, 供d仔女讀埋個人學, 其實同你打份工一樣, 你一唔做, 就要食儲備; 但係我如果退落黎, 做管理, 開多d分店, 唔做仲可能有紅分!!

當然, 我呢個只係比喻, 唔等如你做埋一份就開唔到分店, 我講緊既只係比率問題!!

想問問  您點解 差唔多一鋪清袋  ？
等我哋大家一齊分亨一下 您嘅經驗

老細也有老細特質
有些人確係不適合造老細的
跟本身經驗, 學歷及財產無關

係老細格的, 借錢回來搞生意都可以搞得好好
無老細格的, 真係就算有千萬家財都可以倒水o甘倒

都係時也  命也  ！