聽朋友講好攪笑, 以為0係交友網溝到女銅鑼灣等, 點知俾人帶左上LB
抱住聽下無蝕底既心態, 一開波梗係死都唔認話自己係傳銷
都唔係直銷, 唔通係串燒? 跟手梗係講一輪話自己公司歷史悠久乜乜物物
接著介紹下公司個產品, 又話有咩功效, 咩專利, 空氣清新, 防敏感,
分解二手煙云云, 再解釋下個生意模式, 0係一段時間內做到100萬就
可以"無限代"收佣, 正常來講都可以有十幾萬個月, 講完可以幾賺錢,
就問你賺幾錢, 話你打份工唔長久, 做生意好易蝕本, join佢先本小利大,
又可利用工餘時間, 中國市場又好大, 有1%人加入你都賺死,
做夠quota重可以上岸唔做tim, 最後尾叫你join個講座, 詳細解釋個運作,
但竟然要收幾百蚊, 話係場館租賃費
重有重有, 佢話而家香港有20萬會員 (估唔到咁多傻仔...)
當然, 我係相信一定有人十幾萬個月, 但係做左咁多年重唔水尾咩?
佢地實係寸你賺咁少錢, 點解唔把握機會0者, 真係咁易咩, 呀係, 佢話
做到5條線就回本 (下? 俾完錢, 幫間公司賺多5個我先回本? )
真係咁易咩..... 不喜可屌, 歡迎互屌

講咁耐..咁條女正or 不正je?

講咁耐咪又係用一間野，話自己係法國香芳那間公司
正常人用下腦都知....幾百蚊聽講座，不如用來睇戲
有心請你個間公司幾百蚊都幫你出啦﹗洗鬼要我地打工出咩

香港有20萬會員 ，是不是全部未出世那班人(還在體內那種)

總是不明白為何仍然有這麼多不帶腦的人出街被騙。
討論一下那些不帶腦出街的青年重好啦﹗

呃人呢家野長呃長有... 鬼叫呢個世界上咁多笨實.

因為太多人想唔駛點做就有錢賺=_=

我中學時代(年少無知)都上過去
洗腦式宣傳
仲記得佢叫我俾5000蚊佢
我果時無錢,佢都奈我唔何

7-8年前我重讀緊書時都畀個朋友拉去CWB BL度聽佢講野，上到去話自己唔係傳銷，唔同AMWAY果啲 (其實果時我連咩係傳銷都唔知)，佢地啲產品可以消毒殺毒醫埋香港腳，係咁SELL我入會，話一個月可以賺十萬八萬，我問個FD而家搵幾錢一個月，佢話都賺幾萬蚊一個月，一坐落去就畀3個人圍住講左2個鐘唔畀走，個FD話要5千蚊入會，我話我只係學生，無咁多錢，唔想入，個FD話叫我畀住1千蚊入左會先，其實等有錢先慢慢還返畀佢。

入左會唔夠1 WEEK，個FD打電話叫我去聽講座，個講座教人一次過畀六萬幾蚊就可以直接升做高級會員，六萬幾蚊只要一個月搵到一個人入會就可以好快賺得返，無錢可以問屋企人、銀行借，又話若果係學生、無穩定收入，佢地可以幫手做收入証明，等會員向銀行借錢，講座完左之後個FD就係咁叫我借錢做升級，果時我真係好驚，咁大個女都無諗過要洗六萬幾蚊去做呢D野，事後我連個FD的電話都唔敢接，最後BL件事就不了了之。

後來聽返人講，呢個FD原來真係借錢去做高級會員，洗濕左個頭，連自己細妹都拉埋入會，但做唔夠數，果六萬幾蚊最後賺唔返來，一開始話自己一個月賺緊幾萬蚊只係講大話呃人入會。

講真我都唔明點解LB可以做咁耐，分明係呃人。

認真做過呢個行業既有幾多人姐
成日聽人講以為就呃人
傳銷有法例保障架 第355條第2章
以往未有法例保障就好多公司呃人
依家呃人既公司 唔會成立到多過半年
美國首富排行榜有20%都係做直銷架
係香港人傻仔  仲未識諗
同60,70年代D人 覺得染髮就係飛仔 有咩分別