http://www.hkdailynews.com.hk/enews.php
轉貼自<新報>
吳君如前晚在主持商台節目時，竟口出狂言問劉翔在奧運當日是否「食咗屎」，侮辱「國寶」後，自知失言講錯說話，立即作出道歉。而嘉賓谷德昭則大談當年與周星馳合作，笑言很嬲對方經常以「阿邊個」來稱呼他！
吳君如前晚邀請好友谷德昭擔任《嘩嘩嘩！打到嚟》嘉賓，二人向聽眾拜年時，谷德昭借用劉翔常說的一句話「日日好心情，否則心情不好會甚麼也做不成」，及後一向直腸直肚的君如竟然公開說：「佢（劉翔）當日跑係咪食咗屎？」此言一出，谷德昭和另外兩位主持即說：「佢腳痛啫！」君如立即知衰，隨即道歉說：「Sorry，我唔應該侮辱國寶，吐口水再講過。」
商台：無聽眾投訴
事後，商台對外事務部表示未收到聽眾投訴，指出吳君如那句說話，只是俗語來形容而已，是問劉翔當時心情是否不好，加上君如亦即時作出道歉和更正。
星爺叫谷德昭「阿邊個」
提到當年是《家有囍事》編劇的谷德昭與周星馳合作，君如問他如何捱得住星爺的性格？谷德昭說：「天才係怪，佢係叻，係怪人，但佢對我互相尊重，知道我係咩人，有咩都話我聽，但如果鬧我，咁我就走，哈，第一次拍《家有囍事》，我哋都未識，仲叫我係『阿邊個』，嗰次約佢同高志森食飯睇劇本，佢話『阿邊個，寫住先咋？』，高生話梗係寫住先，之後會再執，之後我返到屋企諗諗吓，打畀高生話『我唔好寫喇！』，高生話『唔寫咪唔寫囉，好叻咩！』但就被高生訓話一個鐘，佢話『唔係今次寫唔寫，而係以後仲執唔執起支筆寫呢？』，所以高生係我師父，我好鍾意呢句說話。我又唔係天才，我都係要磨練出嚟！」谷德昭最後笑說：「其實最嬲係佢叫我『阿邊個』、『阿邊個』。」
新報記者曉妍報道
好心你啦,有錢大晒咩, 口不擇言!
