我見好多人話...結婚都要用好多時間籌備....

哥d時間....用左係邊d地方呢....

請各恩愛夫妻指教指教...

咁又唔係既, 有啲人可以攪得好快, 睇下你要攪啲咩囉. 要擇日既, 又要等好日, 擺酒又要同酒樓睇下有冇期. 要影婚紗相既, 通常都要等兩三個月先有得影. 影完揀相呀, 做油畫呀, 又要兩三個月. 要做婚紗晚裝既, 又幾個月...

其實視乎你點搞, 我覺得最大原因係要book酒席
因為一般好日子+星期六日既酒席都好搶手, 有部分甚至一年前就full, 所以大家先至要一年前開始搞~

另外如上面所講, 影婚紗相到有相簿油畫拎都要3個月(香港影); 或者咁樣睇, 當你一個月前過大禮派帖, 至少預半個月印帖, before印帖要有晒所有時間(即有draft rundown), 咁就要book註冊處/證婚場地/律師, 註冊處要3個半月前book, 證婚場地同律師可以既話都要盡早, 免得full左

咁即係如你想到註冊處註冊, 又要擺酒派帖, 至少都要3個幾月, 當然結婚仲有好多細節野, 有時間慢慢搞點都好過趕頭趕命啦                                                                                                                                                                                                                       

太多野整啦.又要影結婚相.book車.攝影.註冊.婚紗.媽咪奶奶衫.姊妹伴娘裙.回禮..唔想太趕.所以一年真係差唔多了.
我家姐.就籌備左兩年.                                                                                                                                                                                                                       

係呀, 真係要好花時間, 我地都開始籌備定, 宜家都是搜集好資料等我男朋友過目, 又要夾吓大家在海外d屋企人幾時可以返香港見證婚禮.
仲有, 男朋友工作上的安排時間放假等等.