琴晚十點幾落機,宜家即刻同大家分享 =]

我係跟sun flower首爾,.馬耳山五團
二十號凌晨機去, 去到仁川機場都係四點幾五點倒, 過埋境,出埋閘,拎埋行李都係五點半,好鬼早,跟住就開始第一日行程.


一日: 馬耳山 ~ 去食野菜伴飯 ~ 造紙廠 ~返酒店 (Bxache Alace)浸溫泉
       係機場搭四個鐘頭車去馬耳山睇風景,其實真幾靚,不過可惜果日去到落雨, 好大霧睇得唔清楚,如果好天去一定好靚.睇完座山,之後係埋果度食埋野, 野菜伴飯真係好清,唔算得難食,不過真係唔好味. 之後造紙廠普普通通,每個人自己做一張,其實係果個人揸住你隻手係度搖,之後自己先DIY. 返酒店浸溫泉, 其實唔係酒店係渡假村至係,不過一間房都最少七百幾尺,幾大,間房好好好靚, 房入面有多一間房. 浸溫泉果度係好似個水上樂園,不過係個好小型.


二日: 成日都去左果個夢幻樂園玩,好鬼多人,要排好耐隊,不過個樂園冇跳樓機玩,但係有果個T-Express玩,但係有要排一百分鐘隊先玩得, 冇玩到.仲有好多動物睇,又有好多花睇.夜晚住第二間酒店,叫Nxw Resung, 好dirty,又細又唔好,不過間酒店周圍又好多野食, 酒店有個supermarket,入面D紙菜好平,5000w 二十四包,扺到爛,最arm做手信,送俾d無謂既朋友就最好.


三日: 總統府 ~ 黎花女子大學 ~ 東大門
總統府無無聊聊咁,影下相.之後去女子大學shopping,但係果度好咩好買, 係果度有間Evisu , 賣果d款好過梨泰園果間. 係黎花女子大學街,有間叫”Funny Love”全間賣couple tee, 我買左兩件,個款麻麻都係10000w ,仲有好多好靚, 靚果d大約25000幾w 真係要去睇下.
晏晝就去左東大門又係shopping,有好多唔同shopping mall之前都有post講過有間123樓賣女裝,4樓賣男裝,d 野同香港差唔多, 不過一定要講價,我買左個袋開頭30000 w,講到15000w 平成半, D tee大約20000幾w. 夜晚去左 seven luck 賭場,ok細,之後去南山睇夜境,咁個境緊係冇香港山頂睇落黎咁靚,果度間紀念品店幾好,一定要去睇, 又係有好多情侶既野賣.


四日: 我都唔記得去左邊,只係記得成日去左明洞, 南大門 shopping
明洞, 南大門果度又係有幾座shopping mall,賣d野同東大門果度差唔多,果度都有好多香港有既鋪頭, uniqlo, adidas original, skin food, mango nike(sports wear)etc. D price同 H.K 差唔多,不過adidas original有d 野平過H.K一兩百

五日: 去左梨泰園 ~ 麻甫水產市場 ~ 打邊爐 ~ 手信店 ~ 機場
梨泰園間Evisu上面都講過,冇黎花女子大學街果間咁好,係梨泰園有間賣襪超扺10000w 十對, buy one get one free, 送果一對係任揀.之後就去麻甫水產市場有好多野賣,係果度買左隻長腳蟹同埋其他海鮮去打邊爐, 隻長腳蟹幾平HK$600加埋d其他海鮮, 買左都千幾蚊. 食完去手信店,所有手信留番係果度買就最好.
成個trip最好就係買野,不過今次係同屋企人去,佢地唔係幾中意買野,所以買左好小野,希望以上d分享可以幫到大家, 有d咩唔明,可以係度問我 =]  

Sorry ar D photo upload 唔到,唔好意思.第一次post唔好見怪

你寫得好生動呀 , 有埋相睇 , 就 very good .

very good, thanks

其實係唔係想話21凌晨機去
20號晚集合呀?
如果係坐20號機既話, 咁我地同機喇,,哈哈, 雖則我唔係跟團

多謝樓主分享！
      導遊、領隊 o.k嗎？

我見到吾止樓主講 , 另外有 d post 網友都有話  "Nxw Resung, 好dirty "
想問下係點  "dirty " 法 ?