發新話題
打印

(有新野 Day 3 Part 2) 2009.05.18 - 05.26 九日八夜「由東京出發」之旅

(有新野 Day 3 Part 2) 2009.05.18 - 05.26 九日八夜「由東京出發」之旅

5.29 updated

Day 3 Part 2 #3


==================================

5.27 updated

Day 3 Part 1 #3
追加Day 2 新相
==================================

5.23 updated!!!!!!!

今日意外地看到2顆未謝的櫻花。
由於完全無諗過有再加上咁大個人未睇過櫻花,

心情興奮想同大家分享下!!!
雖然d 相無咩特別,睇住先啦大家!!!

(至於係邊到睇就賣個關子先.... 估中請你睇多幾幾相!!!)  














=============================================

今次是第二次去東京,揀左去一d特別小小的地方。
係到做左功課咁耐,今次到我分享下。

P.S. 由於仲係日本,所以UPDATE 會慢 D

Day 1  : 香港 > 東京 (新宿行街)


由於搭西北,所以一早就要到機場。
搭著同上年同一班巴士,帶著同上年一樣的心情,
在機場外還見到晨光第一線。


6:25 就到了機場。

今年的機變了自助 check in,
不過在空姐幫忙都好快搞掂,
拎左 boarding pass 就去食早餐。


決定食下大力水手早餐。芝士魚柳包。
胖妹是今次行程的伙伴。


登機了登機了.... 好緊張.... 日本我來了....


今次坐窗口位。
順帶一提,西北的機而家有獨立電視,d 戲仲好新下...
好似有讀愛,不過我又費事係機上睇三級片。hahaha.....


純粹貪得意叫左個齋早餐。個薯仔都幾好味。
不過唔明點解人地杯乳酪是藍莓味我個個要係原味。(即係無味)


機上一影。
喜歡搭飛機,因為喜歡在雲層上飛的感覺。
望住將天與雲合成一線的水平線,很美。                       

飛機 1:40 到達成田機場....比上年遲了一點。
過關程序都好順利,都無因為豬流感有咩影響。
反而是等行李耐左小小。


很快就去到京成電鐵的車站。
始終都是第二次,缺少了上年步步為營的緊張感,
取以代之是一份熟悉又懷念的感覺。


14:44 的車... 大約70分鐘可以去到上野....
都只是 1000yen, 平靚正之選....
另一邊線的是 skyline,坐得舒服點又快十分鐘到,不過要 1920yen....
但是它最新出左一隻同 Tokyo Metro 的套票,幾抵的。


特急到了............
記得要坐特急,如果坐普通出到去就天黑架啦...... 哈哈哈哈!!!


之後係日暮里轉車去南千住

今次住南千住的 "福千"....
非常滿意又平, 只是 3000yen 一晚...
遲小小同大家介紹下間酒店,,,


之後出新宿,第一件事買左明日睇芝櫻的巴士先,,,,,,
原來要去京王高速巴士預約中心,仲去錯左小田急旅遊中心tim....==""
預約中心在新宿西口,不過要上2樓架,好彩得職員帶路。


下一件事就梗係醫一醫肚先。
第一餐去金太郎..... 都幾容易搵。
係歌舞技町直行見到m記轉右再行幾個街口就到。


叫左個三色don, 1200yen
我覺得無杜如風講到咁好食,d 海膽都唔甜既....  

之後就周圍係新宿到行下....

我最愛的 Tokyo Hands......
基本上真是咩都有,不過價錢都有返咁上下.....


今晚的新宿都幾靚。



左行右行,新宿真是多姿多彩。

行到累就返南千住。

第一日完。

TOP

Day 2 : 南千住 > 新宿 > 富士芝櫻公園 > 南千住

今日第一條事就是食左琴晚買的魚生先。

拖羅呀............ 雖然唔係入口即溶,不過都好好食。
1000yen 咋,在香港吉之島買三片都100蚊.....
這裡大大話話都有 8-9 片。
食拖羅做早餐,好富貴呀!!!!!!!  


之後出發到富士芝櫻公園,好彩琴日一早買定飛....


因為今日雖然是閒日,不過都架巴士都滿哂人。

車上有中、英、日、韓文的廣播,總有一種你識聽。


在車站買左個蜜瓜包做早餐。好好味。而且好大個。都只是136yen


架車中途會經富士急。d過山車見到都好得人驚,真是唔好叫我玩。
在這個站到有一班香港人在門口到擾攘左好耐,好似是唔見左張車飛.....
但是日本人真是會好安靜咁坐係到等,
如果這個情況在香港,應該一早粗口滿天飛......


仲會經過河口湖站。個車站設計得好特別。好似是百大車站之一。


本來入場費是500yen,不過今日減到400yen.....

一入到去你就知道點解啦....因為d花而且開始謝了。

雖然係咁,不過都仲有好多人黎。
大部份都是本地的旅行團。

嘩。人山人海呀!!! 完全見唔到龍尾。



站在展望台上一望全景!!!!!


影埋富士山一流。雖然無藍天白雲。



會場有野食賣。有好多種特色小食。


買一個肉包要 300yen.... 香港甘幾蚊食死你都仲得........


有雪糕賣。


揀左好耐食這個。


咖哩烏冬。好味。


影左成日相。5點搭巴士返新宿。


夜晚去左西口的沼津港食壽司。
新鮮同好味。尤其是個帶子壽司,非常鮮味。
而且價錢都合理。食左5碟都是1500yen...

追加的芝櫻相,劣作一堆。




















TOP

Day 3 : 築地 > 明治神宮 > 吉祥寺 > 涉谷

Part 1 築地

今朝一早 6:00 就出門口去築地。


在南千住搭地下鐵日比谷線去築地。

平時大部份人都是搭都營大江戶線去築地市場,但是如果係築地落又點去呢?!

地下鐵又好清楚的指示叫你去 1 號出口


在一號出口一轉左,基本上已經是望到築地市場架啦。


過一條馬路就到築地場外市場

入場內市場行一個圈先.....

早上的築地真是好繁忙,上年8點黎 d 人已經忙完。
好多車係到走圍走。要小心點。

唔知大家關心的壽司大情況點呢?!!

嘩~~~ 超超超超超級多人呀!!!!!!!!!!!!!!!!!!!!!!!!!!!!!!
仲要這條唔係隊尾,排左去另外一邊咋!!!!
上年我黎的時候排左係這條隊的中間位置,
等左大約個半鐘到,唔知如果今次排隊尾要幾耐呢?

好彩今次目標唔係壽司大,繼續行先。

好多手信啊!!! 不過都唔平wo...............
但係好多鬼佬係到買。

咁早黎到築地同埋遲小小黎最大的分別,就是朝早好多鬼佬的遊客。
我發現不止是呢到是咁,是鬼佬本身就會好早起身。
如果遲小小的話就基本上會變哂做香港人。

講左咁耐,去搵野食先。


去場外市場這間 "どんぶり市場"到食魚生飯。


揀下決定食呢個市場丼.... 1oooyen


好靚好多料啊!


海膽真是好鮮甜呀。1000yen 抵食呀!!!!!!!!!!!!!!!

part 1 完.....待續..........................

==================================================================================

5.29 updated

Part 2

話說食完早餐就在築地到行下......
突然有一個女仔問我是不是台灣人 (國語),
我就答她我是香港人啦.......
然後她突然又用好流利的廣東話同我說:「其實我是從 L.A. 來的....」
我立即非常地驚訝,問她為何會說那廣東話,
原來她的父母是廣州人....... (謎底解開了)
她尚未適應時差所以很早起床.....................


然後我們一齊行去內市場....
再去了築地本願寺....

因為太早太無聊,所以入了去行了個圈。
入面原來是印度派的佛堂,同香港的有幾分相似....

我跟她說打算到吉祥寺一遊...
由於她尚未有行程,決定一起遊覽!
在築地市場乘都營大江戶線打算到新宿轉中央線,
途中見時間尚早就跟她說不如先到明治神宮走一圈.....

原本打算在代代木轉車到原宿,但一出站已經見到有指示叫我地去明治神宮...

一出代代木站的情境.....


一過馬路就見到這個,令我以為明治神宮真是好快到............

咁就沿著這條參道口一直行.....

途中見到這個 -- "香港屋台",即是香港大排檔。
不過在一間鋪入面又點叫做大排檔呢? 定是夜晚會有 d 檯擺哂出黎。
哈哈。不過日本人應該不知道大排檔最重要的是獲氣........
(我真是好想睇下它開檔時個 menu 係點)


行進一條小街.... 我覺得這區的設計又幾有特色的.................
雖然東京是繁華,但是卻有很多有特色的小店.....
雖然在購物,但散步的同時亦是一種美學的欣賞....
這點跟香港不同的是.... 香港到處是商店,但全是同一個樣的。
在建築上很少會花心思在藝術設計這方面!


行下行下不對路......原來不知不覺間已經來到原宿站了....................
(其實是我地行錯路,其實應該是唔洗行咁耐架.... )


在車站旁就是這個神宮橋......


橋上影下去的原宿站............

以下這一堆相應該好多人都影過,有興趣就睇下啦!!























明治神宮真是好值得去..................
入面好有日本的特色,而且好寧靜,完全跟鬧市不一樣的感覺....
基本上你完全無法相像這裡是繁榮的原宿.......
就咁行下已經好舒服,黎東京唔一定要 Shopping 既.....
(而且又方便又免費,咁正的景點那裡找  )



行完就搭山手線去涉谷轉井之頭線去吉祥寺.....

TOP

Day 4

TOP

追緊 玩得開心d呀

TOP

好有心喎, 人在日本已經開始報道, 加油呀

呢幾次去機場我都係大力水手食早餐                                                                                                                                                                                                                       

TOP

加油                                                                                                                                                                                                                                                                               

TOP

多謝分享                                                                                                                                                                                                                       

TOP

見夜晚訓唔著就分享一下。
而家簡單甘講下,返到香港執下相再講詳細喲。
多謝大家支持。

TOP

多謝分享,期待.....                                                                                                                                                                                                                                                                               

TOP

期待.................................

TOP

多謝分享
福千仲係咁企理, 男主人仲係咁nice, 同埋有 star tv睇嗎 ??

等你下一post!!

TOP

南千住仲是非常之咁企理,
男女主人都好好。

不過咩是star tv?

TOP

發新話題