發新話題
打印

2009-04-11大嶼 - 坪洲大行(1/5) - 東涌搭嶼巴3M去梅窩

2009-04-11大嶼 - 坪洲大行(1/5) - 東涌搭嶼巴3M去梅窩

今日,我阿爸、阿媽同家姐上深圳。我邊有興趣?於是,我趁呢個機會,計劃先去坪洲,然後搭街渡過愉景灣,行山過梅窩,行完搭搭嶼巴3M去東涌,試行新東涌道,最後搭港鐵返屋企。

我0915出門口,但係到0922,先有班城巴10號,趕唔到0930慢船去坪洲。於是,我將成個行程反轉,先搭港鐵去東涌,轉嶼巴3M去梅窩,試行新東涌道。然後由梅窩行山嶼景灣。再搭街渡去坪洲,上埋手指山,最後先返屋企。

行過之後,先至發覺咁樣行反而冇咁辛苦。真係塞翁失馬,焉知非福。

我o係1000搭港鐵去東涌,到1030落車。東涌真係好熱鬧。


我即刻過嶼巴總站搭3M去梅窩,試行新東涌道。當時已經有車等緊人上。

呢班1035班次用MAN 2+2正車,好好坐。開車時有20多人,梅窩總站落車亦有咁多人。客量都唔錯。1105去到。



MAN真係好猛,上450m高,1:8斜度o既新東涌道北段,10分鐘就飛到!全程只係30分鐘。

$16.2 o既3M,加埋$18 o既港鐵,淨係$34.2,仲平過$36.7 o既快船。全程65分鐘。

唔怪得而家新渡輪中梅線客量咁差。因為九龍新界d人搭港鐵轉嶼巴3M去梅窩,會比港島去更平更快,仲密好多。好多九龍新界人都因為咁而改搭陸路,唔再搭船。(貝澳 / 散石灣反正都要轉車去,更加唔駛講。)

講返新東涌道。佢設計得真係唔錯。唔只好行好多,12m長車都行得。最欣賞佢有緊急剎車處,就算有意外,都可以走去指定o既上斜位,唔駛成條路阻住哂。


其他新東涌道相:






全程完整相簿:http://hk.myblog.yahoo.com/jw!k3UZEpGeBRSg60Wu_4WefZE-/gallery?fid=56                                                                                                                                                                                                                                                                                                                                                                                       

TOP

那條新東涌道梗係好行呀~~如果自己駕車去就唔得啦

因為大嶼南是鄉郊路,需要premit,所以你想申請premit都未必給你
要問你要嚟的用途

TOP

批man本身就係拎來號過境…唔掂邊得

同埋有樣好…自動波。

TOP

我知呀~~~我在機場做邊條路可以行,邊條路不可以行
我見過有啲粉皮on居居走入咗大嶼南,結果給阿sir捉到,將軍咗啦

TOP

那部man用自動波,行新東涌道真係好好行,好夠力

TOP

一定找到,我做機場我識啲forwarder公司車都有大嶼南的premit,仲係兩個囉,去埋伯公怮

TOP

發新話題