1 ROOM, 339尺, 中高層, 超級開揚景, 發展商信和, 方通超方便, 鄰近MTR , 如2手放賣, 開幾多才有市場承接呢?

200萬樓下啦...

我買入都要過200萬呀....
邊間AGENT 放盤比較好呀?

我都有睇過one mad真係好細同比較貴，for單身一個人就ok..

老實講你都係搵長沙灣果d細行放啦方便d..順便睇下人地開咩價嗎...

如果放, 好似大行會好d, 因可以放會高d, 同埋, 客路會廣d... 唔係嗎?
點樣可以令d agent 好落力咁幫我搵好既買家?

你睇過, 咁你有咩評價呀?

放個價錢..你自己set..唔關間行事...間間行都想你放貴d架啦..commission多d嗎..
anyway大行細行隨得你..呢個唔係咩大問題..你可以搵多幾間都得架...

one mad 確實睇落去幾豪幾靚..用料都唔錯..樓底又高...(不過間房5呎x5呎 )
但小弟認為o係長沙灣區賣到咁貴..真係怪..換樓客都未必會揀one mad..
可能係我蠢未能明白d大發展商既定位啦...
小弟睇完one mad, one new york, 海峰, 4小龍, 尚南天, 時尚華廷, 豐盛居 & 喜居之後就買左..
等我賣個關子..唔講住..你自己估啦..呵呵

如果你係換樓客, 我唸你買左海峰.... 係唔係呀?

唔係呀...我買左尚南天..

1) 760呎 - 單位大
2) 呎價平 - $4000有找
3) 近地鐵 - 大家都知啦呢樣

我地其實係鄰居黎架...呵呵呵呵..

係咪一手業主呀? 好唔好住呀?

點解你會揀尚南, 而唔揀ONE MAD或盛豐? 除左PRICE 外..
1.近mtr (ONE MAD/尚南 好過豐盛)
2. 近食市 (ONE MAD/尚車好過豐盛)
3. 品牌 (豐盛好過ONE MAD好過尚南)

但我覺得one mad 既承接力會比較弱, 因夾左係中間, 如果買家係睇PRICE, 會揀尚南, 如果睇品牌會買豐盛居,
唯一ONE MAD 既客路, 係單身人士, 所以, ONE MAD 1 ROOM 會去得好快... 但係, 2 ROOM 既話好差, 唔知發展商點樣處理D貨尾, 唯有可能就係大減價... 真係唔希望有咁既一日, 如果真係減價, 咁我地買左一ROOM 既就真係大閘蟹喇....                                                                                                                                                                                                                                                                                                                                                       

我都明你既感受...one mad 既承接力會比較弱..一房我出去買又唔洗D咁既價...你放租，金融市場唔定..D人就唔會咁肯比錢租咁貴..所以我話我唔明大發展商既定位!!!

小弟係買一手呀..第一次減完價之後買..大約2.7m ...呢輪已經有經紀問我3m有無興趣賣..
其實我揀尚南天..原因有4
1) 市區3500呎..(旁邊d舊樓都要3000-3200啦  )
2) 定位好..(針對換樓客)
3) 用料合理 (雖然唔可以話好靚, 但睇到佢地係有誠意, 特別係電器)
4) 女朋友要間屋大d (之前住北角好細)                                                                                                                                                                                                                                                                                                                                                       

咁你now係自住定租比人呀...?