令人氣餒的銷售服務
岩岩十一點幾喺office hour偷D時間出去買netbook (價錢,型號都知)
去走一轉, 點知..........
好好電器: 企左十分鐘都冇sales走埋黎, 有幾個離遠自己人喺度吹水都唔sell客, 而家比錢買野唔係乞呀!..............走!!!
國產電器: 好似未返工咁, 賣電腦果邊唔見人.....行到出門口先有把聲問"有咩幫到你" , 冇野幫到我, 早d抖啦!
武林電器: 態度幾好, 行入黎已經有sales跟住問想睇咩,不過冇我想買既型號, 可惜!!! (以我性格一定去呢間買, service對我真係好重要)
超人電器: 全心諗住最後去呢間, 因為一心諗住去呢間買(因為信用卡優惠), 又係企十分鐘都冇人, 終於有個疑似sell電腦既sales行過講左句: 有冇野幫到你........我轉頭未開聲佢已經行開左.......叫返佢..........問問問,已經諗住比錢, 因為偷走出黎所以想快, 最後問下跟d咩(真係最後一個問題), 佢話送d杯杯碟碟?! 咁mouse/手指呢? 冇喎!冇得送喎!.......妖! 問咁多間佢係唯一一間有mouse&手指送......(之前問另一間分店都有既?!)
呢個區d sales真係唔多掂, 返公司先, 等陣去另一區先買!
