大家小心好似我咁
今日去見工
去到信和, 一早都知信和樓上寫字樓鬼咁細唔會係學野地方
但抱住個心態 ------ 起碼自己黎左睇左唔叫放棄先啦畀個交待自己
到左門口按左4次鐘先有人開門, 而個個人本身又唔係做緊野架喎唔知點解咁慢
一入去咩都冇問我就遞FROM畀我 ( 姐姐你唔畀我唔係見工架咩 )
由佢既舉動我可以睇到呢個地方ALWAYS有人送上門見工
(但又得佢一個員工個下引起我疑心 )
然後佢指間房示意我入去, 但我未填FROM佢又冇畀筆我, 咁快入房IN ???
( 個姐姐又全程唔講野手指指好似好厭同人講野咁)
入去, 哇, 點解有幾個人坐曬喺度架? 我冇遲到架喎!
原來佢地都係黎見文員 ( 6K 無需經驗 )
搞錯呀. 我都未見過人咁安排人見工
點會4-5個女仔一齊坐一間房眼望望架. 呢D 工請左都唔方好待遇啦
OK, 我填下FROM先...
哇, 頂佢個肺 。 問我父母叫咩名咩學歷咩職業咩收入
最得人驚係連我屋租幾錢都要報 (我咁大個第一次見架真係)
冇野呀? 間公司得200 零呎當自己稅局咩
根本就想攞我地個人資料唔知做咩
連地址個欄都寫住咩省咩市咁, 香港有省有市咩? 都唔係香港格式
張FROM個格式都九唔搭八
父母個欄仲要問我父母人數, 頂, 唔通有3個老豆4個老母咩
谷鬼氣, 曬我時間同搭車錢, 好彩冇化妝唔係就曬埋我心機仲激氣
根本呃人上釣既
有個講普通話女人過黎收FROM見我同一個女仔冇填, 兩次逼我地填
唔填唔收FROM就唔IN我地, 個女仔最後乖乖填
我就考慮左幾分鐘起身扮去廁所拎埋FROM走
咁做我都係第一次
間野可疑成咁, 我唔敢諗畀曬資料佢有咩後果囉, 咁本就一下攞曬人全家入息
COPY 埋張身份證你攞去借錢做假戶籍都得架啦 D女仔為左入文員行又真係咩都肯制,, 搞錯,,, 有冇腦架,, 你地咁好呃人助長D 奸商架, 佢地得曬逞會愈來愈過份架
根本佢地唔係真係請人, 只係因為勞工處畀個公司名同500蚊就可以登請人
500蚊買到500個人送上門畀曬個人資料既話, 一蚊一個人抵返曬啦
呢D CASE 聽過, 今次係我第一次遇到, 同勞工處投訴都冇用
人地又冇做咩實質野呃你, 報警都唔彩你啦
唯有自己拎齊野走
D TELESALES 公司又係將客戶資料賣黎賣去黎續生計
( 我見過所以我敢講 )
侵犯私隱
