之前d post已經搵唔返....簡單講吓最近發生既事
老公最近一星期有1-2日冇返屋企訓,我問佢去邊,佢話約人傾野見咁醉就係吧訓到天光,我次次都會打比佢,不過冇一次會接電話。
本來我都信佢依個原因,上2個星期有一日佢話唔返來食飯,到左夜晚11點幾返來放低個袋又出去(佢當時已經醉醉地),佢同我講約左朋友A飲野,
我話你已經醉左唔好出去,佢話有咩事你打比阿A啦(走左),我62聽到走出來話左我老公幾句,老公都係冇理,我擔心佢有事,我就打比朋友A,叫佢睇住我老公,
阿A話:吓?佢約左我?咁好啦我打比佢,(即係根本冇約阿A),過左差唔多一個鐘阿A打比我,問我老公而家點,我話:佢出左去好耐喇,你唔係同佢一齊咩??
阿A又話再打比佢,之後我自己打比我老公,聽到佢果邊好靜好靜一粒聲都冇,佢話佢自己醉左,到左差唔多3點佢返左黎,但就冇入房,坐左係廳打電話,傾左有45分鐘,
我就行出去睇下佢,點知個電話咁大聲,我聽到係女人聲仲笑緊,我問佢係邊個,佢答我"我女朋友阿珊,佢都知道有你架,你同佢傾下吓,我冇理佢入房訓,到左早上9點我愈諗諗嬲,
拎佢電話打比果個女人,一睇之下原來係長途電話黎,我打左但冇出聲就張個電話比我老公聽,我話:搵你ga,之後我老公cut左線del埋個號碼照訓,我問到底佢係咪你女朋友,佢係邊個?
佢冇理我,我火滾掉左個電話落地,佢都冇理我照訓,但個電話係我既,因為我買左新機舊既比左佢用,佢工作關係要用2個電話,我99聽到掉電話聲就走來罵我,佢話你咩事呀你大晒呀?
樣樣都大聲過人,你唔好掉爛我屋企d野,我從來唔會駁咀任人罵,但係果時我忍唔到,我話個電話係我既,我掉我自己個電話唔係掉你屋企d野!你個仔出面有女人呀我掉自己d野唔得咩?
99話:邊有人好似你咁成日夜訓唔陪個老公訓,佢搵過第2個都冇乜問題丫!(我老公當時聽到我地嘈都冇理照訓)
我真係頂唔順狂喊,我打左比我老豆講要返屋企,都打埋比62同佢交代件事,我62話,你99冇乜點讀書唔好怪佢,佢講野係咁,不過你唔好帶走2個BB,佢地跟慣我地,如果去左係屋企,佢地一定唔慣,
只可以講我屋企冇錢,我老公屋企有錢,自己生活環境唔同,我都明白,但我一定要帶走我對仔女,果日我帶左我女返左學先,再返去執野,入到房我再問我老公果個女人係咩人,佢一樣唔答我,仲話:你走啦
我一邊喊一邊同佢講,我識你到而家十年,我咩都冇只有你,你因為依D野叫我走,我當時真係想死,我去抱左個仔,我真係想係窗口跳落去,我老公見我抱住BB望住出面,佢走來搶走阿B,我99沖左入黎眼濕濕,
佢話佢個仔一定唔會有第2個,佢頭先罵我係因為以為我掉佢屋企D野,佢叫我冷靜D,我冷靜咁行返入房執野,我心死,當我執到最後一袋野時,我老公突然叫我唔好走,仲關左房門唔比我出去,叫我唔好走,
跟住我62都返埋黎,罵晒我同我老公,話我地2個都唔岩,一個成日飲酒,一個夜訓,咁大個人都要諗吓2個細,我為左BB我留返係度,亦冇再問果個女人係邊個,因為當時真係心死,知唔知個女人係咩人都已經唔重要,我老公自己同返我講果個係佢以前公司既agent,之前已經好熟,果晚只係問下價同傾下計,我話咁你又同我講係你女友?佢話佢唔記得佢講過d咩,依次我信佢,因為佢醉左講既野,佢第2日真係唔記得,今次我衝動左,之後依2星期我都千依百順,點知.......原來佢出面真係有一個。
昨晚同佢同幾個朋友食飯,食完飯落吧飲野,等到最後一個fd黎,d男人就叫d女人去個fd屋企陪下佢老婆,咁就剩下d男人係度傾計飲野,大約一個鐘後,男人都上晒黎,點知講講下我老公話要上其中一個fd屋企飲紅酒,叫我自己返屋先,當時佢又係少醉,我都幾唔開心,因為佢真係成日飲酒,我上的士,過左陣佢打黎問我有冇野,我話冇收線,返屋企電話響,係其中一個朋友打黎,佢話原來你老公出面真係有個女朋友,不過佢話佢地未開始只係曖昧中,佢話佢都打算梳遠個女仔喇,叫我算唔好嬲比次機會佢,我就醒起,有一晚我老公醉左返到黎一訓著佢電話就有sms,我冇專登去睇,只係佢有sms佢電話震同著燈,放左係台面,我見到+852xxxxxxxx(我到家了)咁樣,依個號碼我好記得,因為佢頭4個字同我老公個電話號碼一樣,當晚食飯時我老公去左4次wc,次次都過十分鐘,佢係一個唔會係外面大便既人,一定只會係屋企,返到黎不時睇電話,想也知道在等sms同打sms,咁都叫梳遠...我忍唔住想睇下d sms 只見到,
女(不想人家覺得妳在說癈話,妳證明給我看呀.做不到?還是沒能力?)
我老公(妳要我怎證明?)
女(我不知道,你應該知道吧,你早點睡明天要返工)
我老公(你喝多了吧?我現在在朋友家,你早點睡吧)
我睇返d時間,佢係拎左個電話入wc sms,我最唔開心既係,我問佢,佢都唔會同我講佢既煩惱,佢之前話佢唔想我擔心,但就將d煩惱同人地講,其實佢有冇當我係佢老婆?佢唔比我同佢分憂,果晚食飯佢仲係人地面前講,我咩附屬卡都開晒比佢,保險又寫佢名,佢都唔信我仲懷疑我出面有第2個,對住咁多人講大話
前晚我腸抽筋好痛,我次次都會痛到暈左,我知道自己就唔得已經訓左係床,但成身出冷汗濕晒,好凍,我叫佢幫我關窗,佢答我蓋被啦,我已經冇再回答佢....佢知道我腸抽筋會點,同好辛苦,我成身濕又點可以蓋被?唔好既記憶再次浮現,記起我病時佢點對我,我同佢講唔舒服,佢會答(我又唔係醫生),愈問愈傷心,佢前一排對我好左,而家打回原形,其實我知佢唔會改到,一次又一次,我唔知點算,如果離婚對d仔女真係唔好,唔離婚我又可以點?
冇野曖昧?成日唔返屋企訓難道真係同個女仔無關?
傷透了喊到淚乾

好自為之

所以我之後,上面都講左,對佢千依百順啦,叫我做乜就做乜,但佢飲酒已經唔係最近既事,只係而家工作關係愈來愈飲得多,我本來都以為係因為我唔係成日同佢同時訓所以佢先唔返屋企訓,62話完我地後,佢自己都話要戒酒,但係都只得個"講"字,我已經晚晚都同佢同時訓,但依2星期,佢一樣都係有幾日冇訓來訓同飲酒,至於對我既態度由佢轉工後到而家除左上次因為態度問題冷戰左一排,佢聽朋友講,佢有改好返少少之後,而家又打回原形,人點對我,我點對人,人同鏡一樣,你對我好我一定對返你好(態度),我之前長期忍受左好耐,仲要我有左第2個bb時佢都對我一樣咁衰,生左係醫院果幾日咪好囉,出左院又衰返,我都唔知要由邊度講起...因為幾年間發生既事實在太長,同埋之前既post冇左...                                                                                                                                                                                                                       

死心啦! 個男人唔會再緊你啦

淨係聽你講好難幫到你Ga~~
可能你覺得佢好多方面唔好...
但感情係兩個人產生既~~~
所以一出問題通常唔係一個人錯晒既~~~
不過你老公乜都唔理..................
不如你試下問下佢D fd.....
睇下究竟佢有咩唔開心要搞成先??                                                                                                                                                                                                                                                                               

你老公無得救                                                                                                                                                                                                                                                                               

咁你自己諗清楚
個老公咁仲忍佢 佢仲要成日飲醉酒喎
咩野都可以做
就算佢屋企有錢d又點 你屋企知你咁都會幫你手
BB跟佢地仲衰啦..有個咁既老豆
同埋佢都改唔到 一次又一次

樓主,,其實你咁夜訓做乜野呢??
你又有冇做野既呢?

還有想問一問什麼是62
99我都明白
其實咁大段字都打左出黎啦
唔爭在將62,99打埋中文啦

嗰晚佢講大話約咗朋友A，如果佢真係同朋友一齊就唔駛講大話搵A過橋，所以好可能係同個女人一齊，3點幾仲咁好傾，好可能之前一齊，番到屋企報平安講電話。甚至佢之前唔番屋企瞓都有可能係同個女人一齊。

向你報料嗰個fd男定女呢？我比較相信佢geh説話，如果佢係男可信性更高，我覺得你老公冇城府，睇佢所作所爲，佢係瞞唔到乜geh人，我比較相信佢對朋友唔會講大話。

其實你老爺有道理，你哋都有唔啱geh地方。，如果你想維持呢段婚姻，你都要做個好女人好妻子好媽媽。如果你老公係唔識珍惜你geh，咁離婚攞贍養費亦唔需要可惜，係佢冇咗個好老婆，你失去不過係一個唔合格geh丈夫。