之前有人post左呢題題目

有一個男人是上班族 性格很孤僻 但是他有一個愛好就是加班 而且是加班到很晚 直到公司一個人沒有的時候才回家 這一天他照長在公司加班到很晚兩點的時候他從公司出來 往家走（他家裡公司很近 步行20分鐘就到了） 走著走著他突然想上廁所 這時正好在路邊上有一個公共廁所 他就走進去上廁所他看見一個男的 那個男的跟他說了一句話 這個上班族當時就昂了一聲 但是並沒有感覺什麼特別的或者怎樣 就進去上完廁所回家了 回家後 他洗了個澡躺在床上想起那個男人和他說的那句話 突然從床上跳了起來 把家裡的門窗都鎖好關好 在沙發上一夜未睡 膽戰心驚的過了一夜第二天早上他給警察局打了個電話 說那個廁所可能發生了兇殺案 警察趕到那個廁所 在女廁所發現了一具長髮女屍 問 那個殺人兇手對那個上班族說了什麼  

但最後冇答案~我受唔住好奇心
上網搵左好耐
想知答案
好巧合- -搵左好幾個網~都係得問題冇答案
唔死心繼續搵
終於係一個台灣網站搵到..但就冇解釋
所以post返上黎
想各位幫手諗下
個答案係''唔好開燈''
符合第3個題示
但同第一~第2個題示既關係我諗唔通..
希望各位一齊集思廣益

點解台灣答案唔係"不要",而係"唔好"

2點廁所無燈,點屙(台灣公廁係點我唔知)
佢去左女廁
後來發現廁所無尿兜

haha佢既答案係不要開燈- -
不過我諗住冇咩分別
所以順手改左做唔好開燈

我既疑問同你一樣
但我諗係咪因為主角係男人
姐男人有時有冇燈都差唔多
對住個馬桶/尿兜勁射就可以
不過反而唔明個男女廁既問題
姐男主角去男廁
點解條屍係女廁發現-,-

如果咁樣未同個死者係長髮冇關係囉？因為不開燈根本就看不到內裡有什麼，更不用說看到頭髮哦

係呀..我自己都諗唔通
所以我先將個答案拎黎呢到
集思廣益
一齊推返轉頭~
等個答案更完滿~

我諗..
係咪同死者係邊度發現有關..
姐係好似..地下..?
因為係長頭髮..
佢以為係地拖?

講野好好笑

我覺得句[唔好開燈]好牽強
因為tips 話係早上講一d都唔怪~夜晚講會好怪~~
香港朝早邊有人會話[唔好開燈], 而且一樣好怪wor我覺得
聽朝起身我試下同d街坊講先
我: [唔好開燈呀]
街坊: [......................]

之前我地多次討論光強度呢個問題
原來廁所內係[幾乎]冇光
我地都冇諗到個廁所係連燈都唔開

另外可以重新打多次果3個提示出黎嗎?                                                                                                                                                                                                                       

唔知你講咩ge呢

我一開始已經講左我都係係其他網搵
我唔可以話我個句唔好開燈100%係正確答案
只係比大家參考下
你覺得錯既你大可以唔駛理我

唔係既
你覺得朝早講呢句好怪
係因為大家都有共識
朝早已經有天然光
唔駛去開燈
所以唔會有人特別去強調
咁但試想下
如果有一日陰天,天然光唔夠強既時候
可能你想開燈人地就會咁樣同你講
所以其實呢句說話係朝早講唔係真係咁怪
但係夜晚講就絕對出奇
我諗到而家冇咩人去到夜晚會唔開燈
多數係可能一d落後既地方冇照明設備先唔會開燈

ha個3個題示我真係冇copy到
因為條題目本身都幾難搵
個時個樓主delete左~
好彩個post唔知邊頁有人唔知引用定咩
post多次條題目
但個3個題示就冇包括在內
我先copy到條題目
不過我有少少印象
但唔知有冇錯
有錯既希望大家指正
題示1 係半夜既公廁
題示2 係長髮女屍
題示3 係一句係朝早講唔怪
夜晚講就好怪既說話


我都講下我自己既諗法
不過都仲有好多破綻講唔通
我就覺得係咁
當時個上班族去到廁所
咁入面係一個好黑既環境(可能有少少街燈/月光)
但總之足以令人視力打個9折
咁個兇手做緊d野(eg搬屍/或者好似其他人講,用條女屍做緊地拖)
咁由於上班族入到黎
雖然兇手冇預料到會有人黎
但有鑑於環境(好黑/全黑)所限
佢既判斷係上班族應該唔會睇到d咩
所以就講左句唔好開燈啦~(tips3)
咁上班族掛住去廁所~當然就聽完就算
那那臨去完就走
咁返到去就諗起
點解會叫佢唔好開燈呢?
推想到可能個個人做緊d野
係唔想比人見到
於是歸納出幾個可能性
(tips1)半夜既廁所中可以做~又唔想比人見到
1自瀆 2殺人 3收埋d野(eg寶藏) 4破壞公物 5與女性借公廁鬼混中(唔知仲有冇其他可能- -諗唔到)
於是驚一驚~決定報警(ha呢到我承認我個答案有d唔合理,正常人唔關自己事應該唔會理咁多
唔會走去報警)
至於點解條屍係女廁發現
我認為個主角一開始根本就入錯女廁
姐因為題目講到佢係正好係回家既路程見到有個廁所
暗示佢平時可能都唔太清楚呢到有個廁所
一時心急可能入錯左 先撞破呢單案
不過都係用唔到第2個tips~
各位努力~