對於進化論迷思
自從睇左alunqchow的pose之後,我就諗緊,點解進化論就一定正確呢?
我地大部分人都只係接受進化主論對生命出現的解釋,我地都知道生命的基本單位係細胞,而細胞的基本構成物係蛋白質,蛋白質又係由氨基酸組成,有科學家做過計算,想以自然而隨機地從咁多種氨基酸中組成生物需要ge蛋白質,而呢個蛋白質聚集體又會自動利用能量去進行7個生命基本條件ge機率係1x10^ -113,數學家定左一件事發生機率低過1x10^ -50就冇可能發生,如果係咁,生命從何而來,我唯有講係生命係由神創造
其實我覺得聖經同進化論冇咩抵觸,我地測定地球年齡係大約係46億年左右,好多人覺得聖經中創世紀誚ge野唔正確係因為神用7日創造世界,但由始至終聖經都冇講創造時間ge開始同結束,而"日"係希伯來文中不單係指一日24小時,而係可以指一段好長ge時間,中國都有話"天上方一日,凡間已十年",所以生命ge出現唔係一定要24小時內出現,其次係進化論提倡新物種是在隔離的族群中、透過突變逐漸累積而成,不過,有冇諗過,點解雀仔變黎變去都係鳥類,智人有黑人、白人、黃種人,但都係智人,點解都冇出現更新的人種呢?生物始終都係萬變不離其宗,而呢個宗就係生物所屬ge種,所謂過渡物種都係搵唔到化石證據,就算係始祖鳥都好,巴基鯨都好,如果真係有過渡物種的話,我地可以係之後ge地層可以搵番有稍微變異ge同種生物,而且年代愈近現在,所搵到ge同種生物的變異就愈大,以巴基鯨做例子,一開始係5200萬年前巴基鯨生存,假設佢能夠不滅絕,而且可以進化,咁樣5000萬年前我地應該可以前ge地層再次搵到有逐少演化過的巴基鯨,但事實上,我地只搵到第二種ge鯨,而唔係巴基鯨,雖然生物唔可以突然出現,但也不可以話第二種生物係之前生物演化的結果
我地再去番現代,去到比靈感達爾文寫出進化論ge加拉巴哥群島,個度除左象龜外,仲有一種達爾文鳥,呢種鳥,隨住不同的島嶼同天氣而出現左有不同大小的喙的鳥,或者有人以為佢地係進化ge例子,但無論佢ge喙變大定變小,佢始終都係達爾文鳥,不會因為變異而變成一條蜥蝪或一隻老鼠,即係幾百萬年後都一樣,呢種鳥充其量都只可以證明生物為適應環境而做的變異,也可以證明聖經中生物各從其類ge講法
