有冇人已經放棄聽新香蕉俱樂部???
有冇人已經放棄聽新香蕉俱樂部???
老老實實我第一集已經開始聽, 以前個個時段好似仲播醫情醫性, 定唔知恐怖熱線. 因為已經係慣左夜訓, 咁順住個勢都會聽埋先至訓.
一開波其實真係幾好聽, 以前d同學仔話聽森美9up好好笑, 我身為收音機王子當然我兩邊台所有節目都聽過曬啦, 聽落真係冇得比, 所以
開始完全唔聽903, 聽新城娛樂台. 加上有是夜不是夜, 隨意門, 恐怖熱線, 醫情醫性 e d節目經已超曬班. 所以以前只聽係903o既人夠謄
講句真係走曬寶. 以前仲未有話好多fans, 而康仔做左好短時間就走左, 之後兩個人都頂得住, 亦非常好笑, 個陣時真係每個星期都一定
要聽, 打死唔訓就係等佢個晚, 而當時聽眾亦非常高質, 絕對獲獲新奇獲獲甘, 笑足3個鐘唔洗原因, 心入面不其然覺得好慶幸可以聽到
佢地第一集到依家.....
Fans開始變多啦, 到秦文加入之後, 依然都係咁好笑, 而節目調動方面亦有所更改, 由只做星期日, 改到1-5. 每集3粒鐘, 個時真係晚晚都
要聽, 但又冇得重溫, 真係連學都唔洗返咁樣樣聽法, 但係冇計實在太好笑, 聽埋是夜不是夜就可以直落返埋學. 問你死未. 個時有聽佢
地節目都會知道佢地3個好好朋友, 雖然真係唔係好鐘意秦文o既加入, 覺得佢真係係多舊魚, 咬字又一舊舊, 講野就一督督, 但係聽耐左佢地一
齊做節目, 一齊派歌, 阿ben就教秦文做dj啊, 講野啊. 而秦文就係一個可以禁住阿ben凸肥仔個個角色,而對聽眾問題認真回答o既人, 有時又會有d專業意
見可以彈到出黎, 交到功課. 其餘2條友想攪下生意整product冇阿sam就聽食k, 一個就肥肥地, 俾人串下, 又死都唔發爛渣, 仲要成日做錯野. 一個就串人
, 講笑, 帶住個節目, 一個就做好人, 又以老闆角度幫問及有關工作問題o既人給予專業意見, 3個拍住上, 真係幾掂.
到有一次阿ben係節目上面冇啦啦, 發爛渣, 黎真凸7秦文, 當時以為講笑, 聽落又唔似, 過多一排仲走埋... 老老實實到e家真係唔知發生咩事, 因為佢地個
時係節目上真係視對方如知己, 講真秦文真係幫左佢地唔少野, 之後我又想多八卦, 但都繼續聽....唔聽絕情谷都要焗住聽.
到左現在Ricky加入之後, 真係...... 我淨係聽到兩條友係到串啊肥仔, 而肥仔又唔知做麥鬼野, 依依哦哦, 仲夠膽死黎個奉子丞婚, 一笑置之. Ricky同秦文
咬字真係有過之而冇不及, 加上又要係d唔適當o既時候講埋曬d唔好笑o既笑話, 心諗你做麥9啊. 以前都話有一個人可以係個條友發癲個陣認認真真真面
對一下聽眾, 兩條友仔9up下又有麥所謂, 但係依家變到有時3條友仔可以當個聽眾死o既, 自己有自己up, 講埋d聽眾覺得唔好笑, 自己又笑唔停o既死人笑
話, 咁我不如聽903, 以前3個鐘覺得太少少, 依家聽左一個鐘就熄機, 重溫都廢事. 轉聽網上電台仲好. 如果Ricky走左, 或者有麥野節目上改動, 記得開
post話我知.
