發新話題
打印

男朋友屋企GE家事真係關我事?

男朋友屋企GE家事真係關我事?

第一次出POST估唔到係為左呢D事.....有d長.請唔好介意比d意見

我同男朋友拍拖三年,同屋左都有二年.....
係同埋佢屋企人(baba,mama同細佬)一齊住ge
先講下佢屋企人ge關系,
佢baba揸的士~不時11點左右出去成夜晚兩三點先會返嚟,
佢mama做文職~返正常朝九夜六時間~
我男朋友返工返三放十一~
不時大家時間唔同~所以好少見面,更加好少傾計~
佢mama都唔會煮飯~不時都會各自買野食,而家連水都唔煲...買水自己飲...
佢細佬,成廿歲人,一事無成...
中學都未畢業,日日唔做野喺屋企打機,無錢就問屋企攞
乜都唔識做...亦都唔會做~連煮個公仔面都唔識...
最近仲同個學生妹拍拖,日日帶佢妹妹仔返屋企鎖埋門,(不過呢d唔關我事~我先唔會理佢)

我男朋友同mama都細佬ge關係唔好~
不過真係講唔出由幾時開始變成咁差~
不過由我識佢無耐佢mama都成日鬧我男朋友...
佢mama不嬲都勁偏心佢細佬~
佢細佬喺屋企真係乜都唔洗做架~間房又亂又臭.....
全部佢mama幫佢做哂~就嚟鍡埋佢食咁滯~
縱到佢根全無左屋企就生活唔到.....
正宗的裙腳仔,二世祖......
記得我啱啱同我男朋友拍拖嗰陣有時出街都會帶埋佢架~
但係由上年開始~佢地ge關係就變到超級差~
我都唔知開頭發生過咩事~只知道佢同佢細佬鬧左交~
但係因為我自己讀緊u又要返工~所以都係夜晚先返到屋企~
之後關係就越嚟越差~佢mama又成日幫住佢細佬~
少少野就鬧我bf~所以我bf一直心理都唔平行~
覺得兩個都係佢個仔~點解一個係天~一個係地...
有一次佢細佬"飲醉酒"攤左喺屋企附企ge便利店人地就報左警~
之後係看更叔叔上嚟我地屋企話比我地知ge~
咁啱嗰陣我bf同佢baba都喺屋企~就落去接返佢上嚟~
但係我男朋友講佢個身一d酒味都無ga...仲係自己行入屋ga~
所以我bf就懷疑佢take左野~
第二日問返佢有無~同佢講左一陣道理佢就發生bf老皮~
之後佢地嘈交,最後我bf打佢....(我bf好大隻~佢細佬一枝竹咁...)
成件事我唔在場~因為我返左工~係事後我bf同我講返ge
之後佢baba,mama就梗係鬧我bf啦~
我事後無講乜野~因為覺得佢baba,mama都鬧夠~我廢事加把口..
之後關係就更加惡化啦...
呢件事之後幾日~因為我bf條仔一直唔順~所以有次我唔喺屋企~佢又打多佢細佬一次...
呢次我都有話佢郁手唔啱~有事咪慢慢講囉...但係bf好嬲~~
咁我為有同佢講:"你咪唔好理佢囉..當睇佢唔到囉..唔好成日同佢地嘈啦~咁只會令你更加唔開心.."
之後bf應承左我唔會再打佢細佬~
不過因為我bf不嬲都火爆開~
有時佢mama鬧佢~佢就會爆粗鬧返佢mama~有時仲要掟野...
咁佢baba同佢關係好d~都會同佢傾下~(內容我唔知...)
之後大家就好似同屋住咁~你有你我有我~
我地返到屋企都會返入房唔會喺廳~
今日bf又再一次同佢mama嘈~仲推跌左個燙衫板整親佢mama隻手~

之後佢mama急call佢baba返嚟.......
佢baba今次打左佢一把....仲開口話我地如果住到咁~就自己搬出去住囉!!
仲話我都有問題我都有責任..
其實我bf都同我講過好多次想搬
但係我都叫佢唔好~因為我地無咁多錢~搬左出去真係食風都似~
其實佢baba,mama對我都唔差~所以我都唔想佢地搞成咁~
我好多時見佢mama一個喺屋企都會主動同佢傾下計~
不過佢地兩母子都牛皮氣到死.....
而家我bf咩到無攞就走左出去~
佢baba就同我講~我都唔啱~我都有問題~我做乜唔話我bf~(我頭先瞓緊覺~聽到嘈已經即刻出去..)
我話我有講過~佢唔聽~佢就話~咁你可以走ga ma~咁ge人我唔會要ga...
我聽到即刻O咗咀....即係叫我同我BF分手....
講真~你地喺一家人~我一個外人可以講得D咩WO....
同埋自私D講~我做乜要為左你地D家事同bf分手wo.....
我都唔知應該點......

大家比d意見.....我係咪真係有責任?我係咪真係做錯事?

TOP

可能係因為我同屋企ge關係都唔係咁好啦~
不過我ge問題同佢地屋企好唔同,
唔係因為鬧交姐.....


ps.你對b好得意~                                                                                                                                                                                                                       

TOP

唉~~頭先我聽佢baba同我講~~
我覺得佢係暗示叫我搬走囉......

TOP

"佢咪話再係咁落去大家都唔可以一齊住ga la~你明我意思啦~我不嬲都好開明ga~但係點解佢呢一年會變到咁暴力?都係呢一年ge事咋wo....佢係咁你可以走ga ma~唔一定要同佢一齊ga~係我就唔會要佢啦..(我唔信自己baba會唔要個仔囉..)"

TOP

下..佢爸爸同你講呢番說話真係好有問題
有時候家事既野,你同佢又未結婚,一個外人身份可以理得幾多
不知你大膽問下佢佢係唔係想你走,同埋係唔係因為有些事因你有關而嘈過
仲有要同你男朋友真係要認真傾傾搬出去呢個問題~                                                                                                                                                                                                                       

TOP

其實無一件特別GE事因為我嘈過~
而係佢地佢mama ge關係不嬲都因為佢細佬而唔好囉~
其實我知我男朋友都唔想咁ga~
有次佢飲醉佢都同我講佢好唔開心~
因為佢覺得mama唔鐘意佢唔鍚佢~
咁講真~個個都想mama鍚ga la~
點解一個就寶貝到廿歲人叮個飯都唔識,對哥哥態度又極度之差..(狐假度威..)
一個就攞錢返屋企都要比人話"攞嗰少少錢返嚟好把敝咩"?
而家我男朋友都已經唔攞錢返屋企~因為佢話唔明自己點解要咁辛苦...
以前出8000都會攞一半返屋企架...

其實我自己覺得佢baba,mama點睇我都無乜所謂~
雖然我地都有講過有錢會結婚~
但係將來點~無人知ga ma...
不過我都想我男朋友好~唔想佢同佢屋企人關係唔好囉~

p.s.就係因為之前男朋友都會比錢屋企~所以我地無草開錢ga...我又仲讀緊大學~都要自己交學費......所以真係要搬出去住暫時係得~月月清囉~但係而家經濟又唔好,一失業就真係......

TOP

搬出去住 la
rent a small flat sin lor...
                                                                                                                                                                                                                                                                               

TOP

空穴來風,必有因.

男朋友家事,當然唔關你事.(話明家事,你都未嫁)

不過你話人唔好,人又話你唔好jack
i.e. 你去男朋友屋企住,人地一樣可以話你唔好,正如你話bf細佬帶妹妹仔返屋企.

bf細佬唔生性,又點.廿幾歲,點管(話哂係人地仔女,父母都冇計)細時兩兄弟,大時兩房人.

你bf出手打人,佢點都唔o岩.家陣你bf仲推跌左個燙衫板整親佢mama隻手,其實係你bf有問題,不過你唔認為佢有問題之麻.

其實唔係想你走,係你兩個走
[其實我bf都同我講過好多次想搬
但係我都叫佢唔好~因為我地無咁多錢~搬左出去真係食風都似~]
係你唔想俾錢租jack & 點解你唔返自己屋企.
呀未來新抱仔,人地父母雖然返工時間同你唔同,但唔等於唔介意多個人係屋企長住,俾你都會.錯在你一廂情願,以為佢d家人好接受你.其實你bf都好大脾氣.

TOP

發新話題