發新話題
打印

未來奶奶同老爺係唔係一定會咁?我好唔開心~希望大家比d意見><

未來奶奶同老爺係唔係一定會咁?我好唔開心~希望大家比d意見><

各位好~其實我唔係太清楚我既分享可唔可以擺係呢個板,

但係你地應該較有經驗, 希望可以比d意見我。

我今年24歲同男朋友拍左6年拖,

今年六週年既時候, 佢終於向我求婚啦~我都好開心咁答應左...

首先, 我想講下我既職業, 我地兩個都係做會計既...兩人既錢一齊洗一齊儲, 生活都算滿足(我唔係要好有錢,

只要可以供養父母, 自給自足就可以)...

而問題係咁多年來我男朋友的父母都不喜歡我, 唔同意我男朋友同我結婚

佢地認為我唔係有錢女, 我又成日係屋企幫我媽媽手煮飯做家務...

所以一拍拖無幾耐就經常打比我要我上去他們家煮飯...

我初初都會去, 諗住哄老人家開心..

不過有一次我男友同佢媽講我唔係工人(我都係度), 佢媽就話窮既新抱就係咁用..

相反, 佢弟弟就有一個好有錢既女朋友, 佢地就好錫佢~

我同佢細佬女朋友一齊係度~佢都只會叫我做野=.=

前日, 我跟我男朋友返屋企同佢屋企人 & 親戚宣佈我地結婚(佢親戚係內地落左黎)

我一入到佢~佢細佬女朋友一齊係度,

我地野都未講, 就叫我入去煮飯, 話買左好多海鮮..

我男朋友就扯火, 話點要我煮唔叫佢細佬女朋友煮,

佢爸爸話人地係有錢女唔識煮飯,

而你女朋友個老豆就揸的士!

佢d親戚都同我講識煮就要煮~如果唔係唔使旨意嫁入黎...

我喊住走左返屋企...

我應該點做好?

TOP

佢地好衰ar...
唔係識煮飯先更加哄到老人家開心架ma...佢地又岩岩相反
咁你男朋友有冇同你講佢父母最後有冇答應你地既婚事ar?
唔好唔開心la...錯不在你...

TOP

多謝你~
其實我地結婚係想佢地支持..
不過佢地話要同我結婚就唔會當我男朋友係佢個仔!                                                                                                                                                                                                                       

TOP

本來對老爺奶奶,應該你好我好,但係你嘅未來老爺奶奶同埋佢啲大陸親戚係啲勢利小人,你做足本分,佢哋都可以咁唔畀面你,咁就唔使同佢客氣!
乜嘢叫做窮新抱就係咁用、唔使旨意嫁入嚟?!我呸!
既然佢哋咁無品,你亦都唔使咁低聲下氣!你同男友結婚唔使佢哋批准,通知佢哋就算,如果佢哋要搞破壞,一於唔使理,你同男友自己揾證婚人,自己女家擺酒,甚至旅行結婚算數!以後佢哋仍然係咁嘅死人勢利樣,你直情可以唔使見佢哋!
最憎呢種小人,見高拜見低踩!人哋有錢又點?佢哋梗係諗住個有錢女可以有着數畀個細仔同佢兩個老而不啦!白痴!既然話人哋有錢女唔識煮飯,更加唔識尊敬翁姑啦!想攞人哋着數,嗰兩個老而不預備做哈巴狗啦!
佢種小人,使乜同佢一般見識?!你使乜喊?使乜示弱?惡返轉頭就啱嘞!

TOP

我明白~但係我都要諗下我男朋友既感受..
唔通無錢就真係比人睇唔起?                                                                                                                                                                                                                       

TOP

你放心喎,首先你要結婚後一定唔可以佢地住
但新抱要做既你都要做
耐唔耐去佢屋企煮一餐無所謂                                                                                                                                                                                                                       

TOP

發新話題