HEllo~大家好~
仲記唔記得我呢~潛左水一排,都係時候出番黎同大家分享我既美食生活喇~
以下所有菜,甜品全是我媽媽自家出品~
好,唔講咁多~去片~
有一晚,成家無lala話想食海鮮woo~
咁之後當然就由我地偉大既母親大人去買啦~
咁海鮮餐到底有咩呢?睇睇~
清蒸鮑魚仔~
雖然話就話係鮑魚仔~但係其實都算大隻,
好鮮味,加埋陳皮落去蒸,更加香~
另外蒸完出黎個汁真係無敵~實在太好味喇!!!!!!!!!!
白灼蝦~
聽落平凡,雖然唔係咩貴價,亦冇乜野花巧,
但係簡簡單單一樣好味~蝦夠鮮夠爽~
點埋個新鮮自家製辣椒豉油就唔怕齋啦~
西蘭花炒牛肉~
呢樣就唔係海鮮~不過食咁多肉點都要有d菜既~
所以就整左一味西蘭花~都好味~牛肉夠嫩~
全家福~
大家會睇到仲有一味魚~但係我唔記得影單獨相xDD
個個魚都好好食架~魚肉夠滑~不過我已經唔記得係咩魚lu~
個汁雖然只係豉油~但已經好好味~
呢餐海鮮餐只算小型,不過一家人食飯夠溫馨,食得開心咪得囉~
唔洗下下大魚大肉既~
另外介紹下媽媽近期特別既啦~
餃子,我地全家為佢瘋狂~
皆因我呀媽整得太好食~
我次次都要落好多辣椒油黎食xDD無辣不歡的我~
所以你地會見到成碗都好紅~
餃子係名符其實,皮薄餡靚~
九肚魚湯~加埋粉絲黎煲~好好味~
甜品出場:
果撻~生果夠新鮮~撻皮夠鬆脆~推介!
蛋撻~蛋唔會太甜~夠滑~撻皮都係好鬆化~
例牌芒果芝士蛋糕~食廿年都唔厭呀~
有一次我朋友黎,比d佢試下啦~點知食完仲想要xDD
你話佢既魔力係咪好大呢~
哈~以下呢個你就一定要留意!
係我媽媽初次挑戰既麵包~
竟然又幾好食woo~唔會太硬~
第一次整黎講係上上之選~
呢個係我整既蛋糕~都幾好味呀~
個樣都ok~生果夠新鮮~
完畢~~
請大家比多d意見啦
