姑且不在此討論邊個臺比邊個臺好, 其實兩個臺既節目質素根本不斷下降。

先從無記黎睇,
一.)其實無記拍劇係有個不明文既規定, 就係7歲既細路都要睇得明,轉折位多極有限
三.)情景低能, 例如在法證先鋒2中, 佘詩曼追賊, 格一條街果陣就大喊賊人不要走
      實在令人發笑。
二.)加上監製技窮, 劇本無新意,相信大家都估到無記劇集不少劇情喇。
四.)亂改劇本, 結局荒謬
      例如在那套古咩精探, 開頭可以接受, 題材有點新鮮, 但那個極為出奇既結局真係令人啼笑皆非,
    主角死左咪死左咯, 使唔使又整番生佢呀? 無記呢D所謂既尊重各位大眾, 又無啦啦整多個結局出黎,
      破壞套劇,簡竟係不知所謂。
      又例如N年前那套大唐双龍傳, 呢套實在太過垃圾, 講黎哂氣
      那套皆大歡喜見好就收喇, 仲要拍多幾百集, 賣廣告賣到擺陣咁, 大家知喇。拍喜劇拍到你咁,真係搵鬼睇囉。
      廢劇大多,不能盡錄。
      
     近來只覺得一套《自已人》可以消磨下食飯時間
     
五.)遊戲節目方面     
      本人曾極之欣賞獎門人系列的, 不過近年來的環節實在一代不如一代, 更有不少淫亂玩弄女性既環節,真係世风日下,
      唔怪之得教到咁多少年人走去非禮強姦喇。主持人自從阿LO 出走後, 找來兩個頂上
      本人從來唔覺得祥仔好笑, 王祖藍既作狀程度實在令人作舌, 但何解會咁多港男港女愛上他

此外,無記又嫌搵得唔夠, 撈埋樂壇,誰不知現在冇個紅得起 又引黎賣碟疑雲

再從亞記黎睇,
佢成日話要革新革新,砌低無記, 改極都不過係買片再買片
高清冇節目就唔好整咁多台喇, 搞到宜家冇錢咪又要旺旺救
近來拍了套(東邊西邊),扮美國又唔似, 揸車時仲要整個假景,十足十小朋友玩果D實景揸車咁
你去砌低無記都要落本俾誠意架, 真係低亞記冇節目過十點喇！

節目太少,無野講喇

兩台D資訊節目尚算好睇, 新聞節目既革新更是眼前一亮。

可能有人(視迷)會話,樓主咁勁去開電視台啦, 本人只屬庸材,恐怕拍不到如此高質素的節目

與其睇埋D咁既節目有礙智商/情感, 睇多兩本書好過喇。
         

亞視做節目既難處係，亞視做乜都好，無線一整個歌星版就殺晒…

所以古靈精探前半部都ok....而結局我己經無看
之前套yummy yummy又係虎頭蛇尾

無計 , 而家低收視仲可以賴地硬 , 所以可以更固步自封   
仲有我同意 brother 講法 , 我對 王祖藍 亦非常反感   

一.)其實無記拍劇係有個不明文既規定, 就係7歲既細路都要睇得明,亳無深度可言 <---HK的免費電視係以大眾化為定位，何謂睇得明?何謂睇唔明?有深度冇市場，咪變晒王家衛? 你走去免費電視去追求深度，等同入男廁搵女人
二.)加上監製技窮, 劇本黎黎去去都係咁,相信大家都估到無記劇集不少劇情喇 <---這又是一個學問，全世界劇電視連續劇，都事前有劇情俾人知，但係知道結局唔等如冇人睇喎，所以估唔估到劇情結局並不能反映市場接唔接受
三.)情景低能, 例如在法證先鋒2中, 佘詩曼追賊, 格一條街就大喊賊人不要走實在令人發笑。<--可以話毛記既props情境製造係全亞洲數一數二，珠光D服飾你估易攪，之前有套(唔記得名，有淘大宇造)，裡面整左個日本既細細格酒店，像真度9成。當然，你話街道唔接，例如明明這一幕係灣仔跑，走走下，下一幕走左去香港仔，經常都出現。
四.)亂改劇本, 結局荒謬
      例如在那套古咩精探, 開頭可以接受, 題材有點新鮮, 但那個極為出奇既結局真係令人啼笑皆非,
    主角死左咪死左咯, 使唔使又整番生佢呀? 無記呢D所謂既尊重各位大眾, 又無啦啦整多個結局出黎,
      破壞套劇,簡竟係不知所謂  <---咁既結局放諸四海啦，1.可以有下集 2. HK人見主角死都投訴
      又例如N年前那套大唐双龍傳, 呢套實在太過垃圾, 講黎哂氣
      那套皆大歡喜見好就收喇, 仲要拍多幾百集, 賣廣告賣到擺陣咁, 大家知喇。拍喜劇拍到你咁,真係搵鬼睇囉。
      廢劇大多,不能盡錄。<---你估整套連續高收視既30mins劇易啊，有個勢當然係去到盡
      
     近來只覺得一套《自已人》可以消磨下食飯時間
     
五.)遊戲節目方面     <---何解你地會認為啊Lo好，之前佢擔旗一個節目 (forget name)，已可證明佢只可跟住曾志偉，唔可以咩飛。至於祖藍，無可否認，佢好多fans，無得解釋


atv方面，基本上已不存在

看今期招職個引述佢個招職論壇，有網友表示﹐何時停<獎門人> 垃圾節目﹐荼毒青少年，望無記多做 d 七百萬人的故事之頪節目，但問題是星期日有什麼節目是叫座的？想停也不能停。中無看佢。

娛樂始終係娛樂

人地免費俾你睇,你又嫌三嫌四,其實樓主可以賣左部電視佢,or裝個收費TV,日日睇Discovery channel果類,夠晒健康

其實樓主又何必執着呢d野呢,個個人要求需要都唔同,不能一概而論,無話對與錯,你要就唔好怨,一係唔鐘意就唔好睇

另外,你智商有無受影響我唔知,但你係一個都頗膚淺既人