以為網上申請咗唔駛等，點知想快得慢，
仲煩過落地簽證

在網上申請咗，去到力寶中心取證，
點知原來比咗證件，羅咗飛仔，仲要等成一個鐘，
我記得以前去台灣落地簽證，
即時行去counter，即時比證比錢，前後唔駛15分鐘。

我個朋友仲要去到香港機場先取台證，
到時都唔知駛唔有排等.....

唔係wor, 我0係機場取證15 mins 搞掂. 當日仲係星期六.
反而去到台北機場, d 人等取證先多人.

而家咩時候... 估都估到勁多人做簽證準備去旅行
假期前一定人多

其實去機場先拎就 ok
去到機場俾證件 counter, 之後去食野
食完野返黎就拎得

都算方便                                                                                                                                                                                                                                                                                                                                                       

去到機場做, 就算等一個鐘都ok丫... 行下食下就搞掂...
你覺得笨係因為覺得特登去攞, 又等左好耐 (乾等又無野做呢)...
但免卻左到時排隊做落簽喎... 出閘過關又唔駛遲左d...
假日好多人架... 如果復活節去個d最好做定啦...
同埋上網做個張, 三個月內去兩次喎... 當然你又未必三個內再去...

我次次都o係機場拎, 除左一次撞正有一團人拎, 等左15mins
其他都係10min內走人

唉....笨咗

諗著公司近金鐘，去力保做，
超多人，超亂.....成個大堂仲要係一個詢問處都無。
等到counter取證，又話我打錯咗中文名，叫我去7號窗再網上申請過，
成個大堂得個一部電腦，但前面巳經有四個人係同一個case打錯字。
早知去機場做......真笨今次

去完力保之後，我覺得我地香港申請證件巳經係超先進超效率。
至少有個職員問，知道有無排錯隊

金鐘出名超多人,所以我兩次都係機場攞

成個大堂只得一部電腦，
後面排隊既人睇晒你打咩入電腦，
簡直無晒私穏....

去金鐘取證,真的超笨~~
果次順路有時間,諗住去拿埋唔洗去當日先去機場拿,
點知等咗成個鐘,真的超笨~~
之前試過出發當天才在機場拿,等咗10分鐘都唔洗,
決定以後唔會再去金鐘那兒取證~~!

我係台灣攞落地簽証，個時好彩無人，我五分鐘就ok。