今日如常去康文度操　去到都已經有差不多7-8人
大部份人都係自己一個人去操　咁就當然各有各做啦

有兩條o靚仔，一個身穿牛仔褲，心諗呢個人都唔方認真去做（呢個可能係我bias，但係請繼續睇埋先）
你地都知道康文設施有限啦，各種機得一部，啞鈴又唔多得去邊

正當我諗住去做啞鈴，其中一個o靚仔拎左我需要果對重量既啞鈴，咁唯有等啦
點知佢拎左對啞鈴又唔係做，擺係地下同佢個friend（著牛仔褲既o靚仔）係度吹水

佢地越吹越起勁，霸住啞鈴又霸住蝴蝶機，但唔係做緊架喎！！！   

佢兩條友究竟黎GYM ROOM做乜ｘ？
如果你正正經經一路做一路吹水我都唔會怪你，因為你無阻住人

大家都好認真咁係度操，你兩條粉腸就係度傾溝女？？？！！！   

第一，有無諗過人地感受？阻住地球轉　唔通要我開聲ｘ你咩？
第二，而家ｄ年青人真係．．．．．黎GYM ROOM目的係吹水聚舊架？

學Laughing哥話齋，咁多癈話留返拜山先講啦！！！

大家有無類似經歷，歡迎share~                                                                                                                                                                                                                       

點解唔搵人幫手??????  我最唔鍾意d人係到傾計都唔係做gym,,,,                                                                                                                                                                                                                       

直接問佢拎對dumbell囉!!!

CALIFORNIA FITNESS 都好多呢 d 人 ,
有 d 休班 PT 都係咁 , 令人好失望

駛咩怕醜呀, 咁大個仔, 緊係問佢囉啦

見得多就慣
我都學緊吾好因為人地而勞氣.

我會搵對重五磅或輕五磅既啞，改rm，都費事出聲。唔識既你同佢曹係晒氣。

好多靚仔都係咁嫁啦
去吹下水玩兩下就同人講我玩健身
以為玩兩下就一定會大隻
去到未只係吹水~

見佢地越吹越興奮，D話題空洞夾無聊，逼我聽埋先囉命

我會出聲問..."C兄用完未"........