國王的新衣:我唔會帶鼠鼠睇獸醫
educatorku 開咗個vote : [如果鼠鼠不適,你會帶牠看vet嗎?]
我一開始就講, [國王的新衣] 姐! 乜咁多人咁大反應?
不少人留下光環字句: [如果錢可以換一條命,幾多錢都使…] 、[ 任何一個生命都值得尊重…] 、[ 要照顧它生老病死…] 、[一定照顧到佢終老] 、[如果錢可以換一條命,幾多錢都使…] 、[既然佢地係生命,點解唔值得用錢救番…] 、[始終係一條生命…]、[人同鼠都係有生命的…] 、(呢句最頂癮!) [ 免得最後在人生中留下了兄台的名字---遺憾]……
好 ! 寫得好 !
樓主出條咁嘅問題 , 有意圖去留底D灰色地帶 , 令投票者好順理成章去支持自已: [如果錢可以醫鼠鼠, 我幾多錢都使…]。
此問題令好多[自認愛心爆棚的人] 有 [走棧位] 去自我陶醉話 : [我唔同你! 我好有愛心!]
我識得不少人 , 一有機會就走出棃認: [我唔同你地! 我好有愛心!] 、 [我唔同你地! 我好有道德!] 、 [我唔同你! 我好支持平等!] 、 [我唔同你! 我好反歧視!]….. 但其實佢地本身好XXXX!
我好喜歡踢爆呢D [自認愛心爆棚的人] , 容我改改樓主條問題, 讓 [自認愛心爆棚的人]者自我踢爆。
假設性問題 : (專為之前死撑[如果錢可以醫鼠鼠, 我幾多錢都使…] 的人而設)---
既然閣下堅稱[如果錢可以醫鼠鼠, 我幾多錢都使…] 咁誇張咁神聖, 假如 閣下發現剛用 $14買回來的鼠鼠有病 ,唔醫會一星期內會死, 而世上唯一醫得好此鼠鼠病的獸醫的診金是閣下現時總資產(要即時扣除) 加 未來六十年總收入(要按月扣除) (當中扣除維持閣下生命的必要開支,) 即呢世你都無錢花費於:消閒娛樂享受, 你會付費光顧此獸醫去醫鼠鼠嗎?
一矢中的, 一針見血, 一網打盡, 一語道破, 一腳踢爆……愛心照妖鏡來了!
死撑 [如果錢可以醫鼠鼠, 我幾多錢都使…] 的人, 別玩[改變問題再回答] 、[現實無可能] 之類的迴避問題技倆, 問良心回答題吧!
[會] / [不會] ( 又係那句, 講親大話者保佑佢子孫生仔無屎忽!)
.