發新話題
打印

於台北萬事達旅店(中華店)的不快經驗

於台北萬事達旅店(中華店)的不快經驗

平日我好少係討論區發表文章既
不過今次去台北住係萬事達既經驗確實令我十分十分不滿及反感
話說我12/9 - 14/9去台北都係住係萬事達既
選擇住萬事達係因為新啦, 位置又方便ma, 貴少少都去試下住啦!
點知酒店既職員態度差!!! 雖則佢地成日唔會意思前唔好意思後咁
但句句說話都有骨 >.<~ 仲玩cut電, 最後仲要嘈到call警察wor!!!
有咩酒店會咁ga! 諗返起就激氣喇!
雖然事件都過左一段日子, 但我心中既怒火都仲未平息!!!
所以我要係到發洩一下呀!
不過d字打得有點多, 但希望大家都睇下ma! 得大家都知道事件ma!

事件係咁既, 我今次旅行一行8人去台北玩5日, 有3晚都係住係萬事達
不過由於酒店爆房, 所以我只係book到3間房咋!
另外2位朋友就住附近第2間酒店
首先令我不滿既係(酒店出入要留門匙), 呢點我覺得好唔方便ma!
佢話出入放低門匙既原因係保安問題!!!
間房我book左, 成間房都放滿行李, 放低條匙俾佢覺得好無安全感
加上我地幾個都係女仔ma! 有咩事點算wor?
咁我地就要求唔留匙啦! 但counter個人就好堅持wor!
仲同我嘈起上黎 >.<~
咁我同佢理論我地<<book房時酒店無講明要留匙wor!>> 佢竟然<<話係我地無問!!!>>
天呀? 我點知你地酒店會咁特別要留匙wor, 我黎台北咁多次住過咁多酒店你係第一間囉!
仲好話我無問!!! 係我唔o岩! 激氣呀~~~
好啦! 佢話留匙係好安全既, 因為樓層有CCTV, 咁我就問佢既然咁安全係咪真係可以<<100%保證>>?
佢竟然答我可以wor! 哼~ 佢竟然<<為左同嘈贏我>>, 呢句都答得出!!!
經過一輪理論, 有個manager終於答應我都可以唔留匙啦!

之後夜晚我地住另外間酒店既朋友都上左黎房玩
咁8朋友仔一齊去旅行ma, 夜晚點會咁早訓, 梗會係房玩ma
一黎佢已經覺得我地係屈蛇, 只係俾15分鐘時間我地, <<我朋友15分鐘後唔落黎就要收加床錢>>
咁我地都出示左我朋友book另外間酒店既文件, 證明我地唔係屈蛇
但佢都唔理!!! 天呀~ 得15分鐘? 咁我地唔理啦! 上房玩先, 諗住走時先算
點知係房玩玩下, 突然<<無曬電>>wor! 一陣又開返, 之後又無電咁, 有鬼ma? >.<
就打落counter問, 佢話因為間房有<<3個人供電不足>>wor! @_@
咁擺明玩野啦!!! 我朋友有氣喘病的, 咁樣嚇一嚇萬一有咩意外點算呀??? 憤怒呀!!!
之後落counter理論, 因為佢地既處事手法實在令我地<<無法接受!!!>>
我地表示我地既不滿, 佢只係識講唔好意思並再表示3個人係房以致供電不足, 一句唔會意思大曬ma?
我地已經話明我地唔係屈蛇, 15分鐘要我朋友落黎合理ma? 15分鐘黎探監ma?
個manager又話幾百元加床費並唔貴, 我地比得起, 這算是什麼意思??? <<看小我們ma?>>
氣憤下, 放低2晚既加床錢
最後我地表示不滿, 並表示回港後會作出投訴
佢竟然<<語帶有骨>>表示歡迎 >.<~

最後到check out個日
我地之前request左late check out, 而旅行社都confirmed左我地的
所以我地大概2點到先check out, 到走時佢地就話要收$$$
佢地話無confirm可以late check out
那時佢地跟旅行社之間溝通既問題吧!!!
由於佢地俾我地既印象已經差, 琴晚仲cut我地電要俾加床$$$
一切一切已經令我地<<無法忍受>>, 決定唔俾late check out $$$
點知佢地拉住我地既行李, 仲話call警察
哈~ 我真係未試過酒店會這樣的
要我地簽下證明書話我地late check out, 唔留匙要收換鎖費
當初你地個manager並無提過唔留匙要收換鎖費 wor?
到呢個時間竟然要我地簽字, <<感覺進入了一間黑店>>
又話call警察, 我們<<多無助喔!>> >.<
最後為趕及行程, 被迫屈服..........

酒店行業不嬲都係以客為先, 佢地同客人嘈都算啦, 仲要玩<<cut電嚇人>> , <<call警察>>等種種激烈行為
當我們是賊ma?
我們只是來旅遊, 為既係開心
或者當中大家係有d誤會, 但佢地既行為係我地無法接受
我們當中有2位都是做旅行社的, 佢地都覺得得到這樣既對待並不合理
<<不再會建議客人選擇萬事達旅店>>
而且知道除左我們外, 亦有人試過住萬事達有不快經驗
特此發表呢篇文章比大家知道我地竟然受到這種對待!
希望大家都支持一下, 不要選擇萬事達旅店吧!!!

TOP

麥咁差架-口-"
之前我都諗住住萬事達架,
不過FULL左冇得住,
不過原來間野咁衰既,
以後都唔去住啦= =                                                                                                                                                                                                                                                                                                                                                       

TOP

:046: :046:
乜萬事達咁衰架!!真係好乞人憎呀!我都聽聞過呢間酒店服務麻麻地,估唔到真係咁樣..我以後都唔會再幫襯住呢間酒店喇!大家都要認真考慮一下呀!

TOP

我都試過~~~從未住過咁差的酒店

我覺得酒店應該對客人最重要是以客為尊!!!

依間野的職員態度差, 他們的禮貌是有骨的

我是俾錢消費,不是俾錢買難受

行出行入都要check 來check去, abc佢呀~~當我係是什麼呀~~~

行入行埋又要俾返條key它keep,我就梗係不俾la~~

點知他會不會偷野ga, 咁又俾他搵個籍口加我錢

他話要換鎖,就要加返我錢~~~~

真係想講:不好叫''萬事達'' ,不如叫 <萬事屈>

下次寧願住''成都''都不住依間咁ge死人野呀~~~

TOP

唔~ 不過台灣既酒店係要留匙架WO~ 我去第2到都係~ 可能唔同地方有唔同既RULES~
不過佢地要收你$ 又過唔去WO, 佢之前都冇講~

3個人供電不足我覺得好好笑~
唔明2個人, 3個人同四個人係房有咩分別~

TOP

我10月中去台灣都唸住住le間~~~

而家十卜你~~~搵過第2間

TOP

在台北萬事達酒店有四家
分別是中華店  重慶南路  長安店 and 松山店
不同老闆  都是加盟萬事達系統
建議大家住重慶南路店  因為下國光巴士過街即到了
無須 taxi

TOP

我同老婆住華華舊館,都要留key,不過我覺得ok,因為都無貴重物品於酒店。而且,服務都ok啦。                                                                                                                                                                                                                                                                                                                                                       
人生中早已註定的遭遇

TOP

高雄飯後都係要留key  

我去過台灣好多次, 90% 都要留key,  呢點係樓主問題,

不過, 佢地既服務真係好有問題.

TOP

之前想揀 好彩無揀

TOP

咁差架...下次一定唔會諗

TOP

發新話題