二星fun會員
|
1#
大 中
小 發表於 2009-3-26 22:48 只看該作者
太安樓 擺檔小販食食食
今日我又同朋友去西灣河太安樓掃野食 !
佢話個度好多野食..車仔麵仲幾出名 ~~
但今次我地冇食車仔麵,因為食其他野食到飽晒
首先試既係牛雜佬 !!!$15 一碗 ~
D較剪聲離遠已經聽到"雜雜聲" !!
我終於明點解啦,因為就算佢唔係剪緊,佢隻手都係剪剪下咁
我地SHARE左一碗 , 有埋軟骨同柚皮 ?
睇相,出煙架 ~~
軟骨呢D比晒朋友食 !!整體黎講唔算話超超正..
不過味道真係唔差 ,D蘿蔔好甜 ,我最鍾意食蘿蔔 !!
仲有牛雜既汁都好緊要,佢就好香,而且D雜淋得黎又唔會過份淋~~
夠咬口,D牛肚,腸同肺加埋芥末真係唔錯 ~~
跟住就去食一串串小食 ~
呢位伯伯既野食好平架...好多人都企係度食 ..
最貴 $4蚊,已經可以買到牛柏葉,牛丸,魷魚 ..$3就有腸仔魚蛋架喇~~
而家經濟唔好,食呢D 廿蚊已經可以好飽 !!
$4串既牛丸,雖然得三粒,但係大大粒,而且沙嗲汁好惹味 !
有一半分數都係比個汁 !另加牛丸彈牙 ~
後黎我再買左牛柏葉同麵根 !!正~~都係 $8 ..抵食!
跟住朋友就話要食牛雜佬對面既雜錦麵 (因為佢咩料都有..所以叫佢雜錦麵)
一落order即整,$12一碗,即管試下 ~~
冇位坐架,人人都要拎住熱辣辣既麵企係度食...
最多係有張 木台 比你放低下碗麵 ..
$12 有牛丸,豬粉腸,軟骨,魚肉 ~ 而且湯底惹味 !!
佢食完已經即刻想再食 !!真係平靚正 ~~
食食下仲見到有位救護員,開住架救護車落黎買添呀...勁
同食物博鬥左一輪後,仲未飽 !!!
我地又食左撈撈撈,朋友又飲埋珍珠奶茶 !!
最尾我仲要買埋雞蛋仔...
呢度有幾間都賣雞蛋仔,有間仲要蘇施黃介紹過 ..
但聽聞水準下跌,所以我另覓其他店..
最終搵左呢間叫 鴻記雞蛋仔
佢比我岩岩講個間好似貴 $1~2蚊..$11底雞蛋仔 !
即刻叫一底黎試 ~~等左7~8分鐘到 ~~
熱辣辣既雞蛋仔出爐 !!!!食第一啖ok啦,唔差 !!
點知愈食愈好味,蛋味幾香 ~~熱辣辣正呀..
食完呢底後,搞到我呢幾日都鍾情於雞蛋仔
|