前日我男友飲大左，又黎我屋企樓下嘈，
仲要同我阿媽鬧交，比我屋企人知道我有左bb，要我男友父母出黎傾
我男友唔肯，因為佢無諗住結婚
跟住我同男友走左，今日反到屋企，媽咪話一定要見家長，如果唔係叫我以後唔好反屋企
我同男友講左，佢話聽日黎接我走...

我唔想攪到咁，更加唔想去佢屋企住。因為佢ex女友仲係佢屋企住，最快都要一個月佢先會搬走
兩女點共處一室，好尷尬的
而且我覺得佢屋企人唔係咁鐘意我，由其係佢阿媽
真係唔想過去住.... 點算好                                                                                                                                                                                                                                                                                                                                                                                       

咩樓主覺得呢個男人值得跟咩?.? 真係好攪笑!
人地已經有一仔一女都攪到咁啦...你都不會例外...因為佢
都講明唔想結婚囉!..跟住他會有幸福嗎?.............打去家計會啦
個到會有社工幫到你!祝你好運

我唔係想點火..但係呢個男人跟唔過...
你『自己』決定左要唔要啊b未?
要ge話你要諗定好多野~
唔要ge話你就問佢拎多d錢~唔要個b之後仲要補身~
你仲有大把青春~再搵一個好男人其實唔難~不過就唔可以要求好靚仔low..                                                                                                                                                                                                                                                                                                                                                       

下.... 咁既男人點跟啊~
1.)同ex有1仔1女,未婚
2.)飲醉左會打人
3.)唔肯結婚
完全諗唔到有一樣野可以說服到自己去跟哩個男人~~~

仲有,醜婦終需見家翁, 我覺得係時候要俾d壓力你個男人,
如果唔係你既下埸都會同佢個ex一樣
未婚=>有仔女=>帶埋仔女搬走~

至於佢尋日同你講"無親情唔緊要，有愛情，話會照顧我一世" <=
你認為哩個男人可信咩?  或者哩番說話佢ex都曾經聽過~~~
樓主, 唔結婚其實都冇咩野,但佢連帶你去見家長既意思都冇,只係一心帶你走~
你覺得佢真係咁愛你咩? 咁既男人真係值得你去放棄所有野咩??
自己好好諗清楚,千其唔好令到自己後悔...我地講咩都係無用,最後決定係由你自己解決~

你係咪痴線架?! 咁既男人都肯一齊?天呀!!!!佢一定好靚仔,你一定好樣炳!!佢一定好有錢,妳係貪佢啲錢!!!!如果話愛情係盲目,點解冇人盲目吓我?我都只係飲酒食煙同少少爛賭啫,己經冇去嫖喎,其實我同你個男友條件差唔多,妳可以考慮吓我.....