大家好, 我是男生.
我想親手做一個相機套給我現在追的女仔...因為部相機係佢第一部...
我對相機套既要求:
淨色, 有索帶(拉錬個人覺得會較易有整花相機既風險)
同時間我亦想"整" D 字上塊布度....(希望大家明我意思啦)
問題來了...
1. 我應該用咩布好呢? ("擁"布嗎?)
2. 因為是相機套, 所以買布也不會買很多, 請問大家可以0係邊度揾到一D唔使買太多布既店呢?
3. 整D字上塊布度難嗎? 有冇咩要訣可以教下我?
4. 我冇衣車...所以要親手做, 唔怕慢唔怕整親, 咁既情況下, 你地覺得做唔做到?

如果大家有咩意見俾我, 請提點下....THANKS!!!!!
如果大家問我相機有幾大...我只可以答到同部SAMSUNG M8800差唔多.....唔好意思我度唔到因為相機唔0係我度...                                                                                                                                                                                                                                                                                                                                                                                       

淨色加字應該唔會太難做~
最難應該係繡字果part姐~

布你可以用棉布or麻布會好d~
絨布好難繡字~
你怕太薄可以用厚棉布或者做雙層(即係有外袋同裡袋), 咁會比較實淨~

布你可以去睇下深水埗警署對出o既棚仔~
果度布都幾多款, 不過你預左買布通常都係都係一碼買,
有d手工舖頭賣o既日本布同網上賣布o既舖都有細d買~
應該會岩你用~

繡字我覺得最緊要係心機姐~
要繡得夠密先靚~
你可以係word度用你想要o既字型, print出你要o既字,
再放係布上面繡~就好似填顏色咁用線填滿佢就得~
你可以用繡花線繡, 粗d唔d繡咁耐~^^

索繩袋其實好簡單, 唔洗用衣車~
不過最好用回針步縫, 會實淨d~

希望d資料幫到你~
如果有咩整唔明, 可以係度問或者pm我丫~
希望你做得靚靚個女仔又鍾意啦~
因為好少男仔好似你咁有心思呢~

多謝你既解答!!!
不過有D 問題唔係咁明....回針步縫係咩意思呢?
你以上所講既店我係咪可以0係深水埗揾到?
我估我聽日會先買左布先, 繡花線係咪都可以0係同一地方揾到呢?
THANKS!!!

親手製係特別有心思架
其實繡字真係好講技巧, 唔係咁易繡得靚
如果唔一定要繡, 純粹想有個D字係上面, 可以試下其他方法架
用布既話, 可以直接剪個字出黎, 然後沿邊縫上去
特別d既, 可以用珠仔/閃石做個字縫上去
attached埋個針法比你
希望幫到你啦^^

我知道這圖一定好有用！！
但係我未用過針線...唔識睇點為之出點為之入.....
真係唔好意思....

比你激死...
見你咁有心思想親手整野比鍾意既人, 做個detail d 既step比你啦^^

繡花線係手工舖有得賣~
你去開深水埗, 可以去德祥買~
地址: 長沙灣道124-126號德祥大廈地下

用針線, 出入o既意思係:
出: 針由底去面
入: 由面去底

唔該哂!!!!
我今日已經買齊野喇!!!
加上你地既幫助, 希望我可以整到出黎啦!!!