你會信佢嗎？
唔明點解有d人唔肯面對和承認自己做過的事，
明明曾經好鐘意或愛過一個女仔，都唔肯認。(個女仔都幾靚女，或許佢想繼續同佢做朋友所以唔肯認。個女仔好鍾意佢的，雖然佢有男友，但都想約佢單獨見面，不過我男友話唔見。我男友仲打算氹我開心，同我講番，點知我好jeolous又亂諗，angry 左佢-.-'因代表了佢同佢好鬼friend。)
我覺得佢鍾意果女仔是因為佢好期待果個女仔出現，等我都未試過，
你地話如果無半點鍾意或愛，又點會咁？
佢未識我之前仲成日周圍俾佢和果個女仔的相人地睇，成日介紹佢，但後期個女仔同左我男友的朋友一齊。(佢死口話無鍾意過佢，其實我唔信，因我感覺到佢真係對果個女仔好好，所以我要佢發誓話如果佢有愛過佢就同唔到我結婚，佢發左。或許我真係諗多左，因男的想法真係唔同女，男士不妨講下你的見解。)
我男友之前同過幾多女仔一齊又唔肯話俾我知，我覺得佢明明係未確定係未鍾意一個人就同人上床，就都可以話愛過。咁佢其實分唔分到愛和鍾意的定義？
岩岩識時，佢仲講大話騙我，話佢只得兩個女朋友(但實制有四個，其中兩個一個就因發現佢有男友，所以分手；而另一個就因為和對方年齡差相差太多，所以唔適合，但兩個都唔係識左好耐就上左床，後者仲話自己係處。我其實聽到後都幾激動，因我覺得佢係未決定係未同果個女仔認真發展就要左人隻豬，但佢就覺得現在拍拖，都好少話上在床一定會結婚，佢話同佢上床時是真正想同佢認真發展就得。)佢岩岩同我一起時，又話好耐無做過，所以想快些同我做。我同佢係網上識，因睇佢都幾乖，好少出夜街，所以我信佢，我同左佢一齊一星期就上左床。
我發現佢講大話是因為我check 佢同前女友msn 的對話，我果時真的好angry，但被佢氹返。佢話佢唔講就怕我會亂諗...
佢話自己好專一，未試過一腳搭兩船，現在佢向我求婚，我真係唔知佢信唔信得過，都唔知應否答應。你地覺得這種男仔仲信唔信得過？我自己就真係好猶疑…但我就真係幾鍾意佢，因佢同左我一齊年半了，佢的而且確無去識女仔，又對我好好，好錫我好就我。佢成日同我一齊，又唔發覺有女仔打俾佢。所以我現在真係好亂，唔知點好...
其實我都係怕佢鍾意識女仔，或結婚後會同第二個女仔上床。因我覺得性對佢黎講都好重要，佢性和愛可以分開，對我來說只會同愛的人上床，我覺得佢可和只有好感的女仔上床(因佢話好難識一個人就好愛，快上床同遲上床問題唔重要，只要有打算同果個女仔認真發展和鍾意就得)。佢又唔鍾意用套，不過我因經期不準，要食避孕丸，所以先無乜所謂。但聽人講有責任和唔自私的男人，會用套。以我所知佢話同以前的女友，就算佢地唔洗食避孕丸都唔會用套...
佢雖然無佢識女仔，但就會同d舊女友、識左一段時間的女仔朋友係msn度傾譏。咁都算唔算料女仔？鍾意溝女？
希望大家可以俾多些不同的意見我，佢信不信得過？我應否繼續同佢一齊？佢嫁唔嫁得過？我真係唔識選擇，如果係你，你又會點做？
