我係女, 36歲 (外表似25), Outlook 尚算OK, 我响呢個月總共參加咗3次唔同公司搞嘅 speed dating..


第一次係參加 - 常x心
男同女嘅樣貌都好平均, 女仔質素好高, 平均質素有75分, 男嘅都有60分, 職業就一般, 唔覺有專業人事, 餐廳環境一般, 食物質素差, 但勝在係私人包場, 無咁尷尬, 首先大會安排男仕坐响女仕對面, 有4人枱, 6人枱, 8人枱, 座位由大會安排, 按年紀分配, 然後安排進餐, 玩遊戲, 跟住男仕兩個兩個轉位, 但求每位男仕都能夠同每位女仕傾計, 然後每人都响自己張人名單上mark低自己心儀對像, 最後交番比大會, 如果男女雙方都選擇對方match到嘅, 大會會响48小時內send email 比你, 話比你聽對方聯絡方法, 常x心整体都幾好, follow up 又得足..都有2個男同我match到, 我朋友就 match到1個, 但最搞笑係我match到果2個唔contact我, 反而同我朋友match到果個就問我朋友攞我msn 約我...


第二次係參加 - Afterhou??
呢間勁唔掂 , 佢响上環一間所謂意大利餐廳訂左一張角落頭嘅枱, 但都好open嘅, 我同我朋友一入到間餐廳d人已經眼望望陰陰咀笑, 好似知道我地兩個黎相睇咁, 跟住個負責人出黎招呼我地, 原本報名時話4男4女, table for eight, 當我地行埋去果張枱時見到得2個男坐响度, 以為未齊人, 跟住個負責人同我地講另外果2男2女改左日期今晚唔黎啦(又會咁啱嘅), 但我臨去前一日佢响電話度都話比我聽人齊嘅, 所以我地覺得佢唔老實, 後來我同我朋友都覺得其中一個男似係"媒, 所以我將呢間列入黑名單..

第三間係 - 仙履x緣
呢間响銅鑼灣上樓Cafe包場, 個場同d野食都唔掂, d女勁師奶, 有d又mk look, 望晒全場最索我同我個朋友, d男嘅個樣"岩岩慚慚" 勁騎呢, 有個仲好似收數佬咁, 講野勁粗魯又大聲, 因為呢一次無set位, 佢坐左响我地對面, 係咁同我地講嘢, 講埋d野又九唔搭八, 我同我朋友望晒全場見到無 target, 連野都唔飲唔食雞咁腳走...以後都唔敢再參加呢間...  


整体呢講 Speed Dating 想揾到好野唔係一件易事, 要撞彩嘅...

聽你咁講，不如上網搵網友玩咪仲好..........成班人自己搞，好過比外人賺la，反正都係睇彩數

哈...你都得架啦..最索你同你個fd....

你好趕咩...一個月三齎...最好笑第三段...你有無拍下羅柚丫