投票主題
[親身經驗] 我好困擾!!女朋友有第三者,後悔過應該獲原諒?
我同女朋友拍左拖4個月
初初都唔似拍拖 比人話唔似情侶 踏入第3個月開始感情就好好多 終於似返對情侶 最近..我發現左女朋友係3月頭同一個男仔影左張貼紙相 貼紙相係一般情侶會影果d..(錫面,冇嘴對嘴) 之後我就同女朋友問清楚.. 我:「你有冇野呃我?」 x3 佢:「冇」x3 (逐漸細聲) 我:「我睇到你張貼紙相,點解你要咁做?」 佢:「我已經冇同佢一齊..」 ~~佢開始喊~~ 我問佢件事係點 佢話唔知點講 佢一直喊...喊左好耐 我陪著佢喊..心入面好嬲..但冇發出黎 只係默默地陪著佢..之後送左佢返屋企 個一晚佢透過sms同我講對唔住..好內疚,,無論我做咩決定佢都會尊重我 我仲好愛佢...但我平衡過好多野之後係凌晨決定 講分手 佢見到我講分手之後...個日既早上8點佢黎左我屋企搵我 同我講對唔住..希望挽救段感情 佢對著我..不停喊.... 最後都坦白講左件事出黎係點....... 佢話已經冇再理佢...同佢只係一齊左好短時間 亦都應承我唔會有第2次 同 斷絕同個男仔來往 但我對佢既說話信任已經大左一大個折扣.. 事後我知佢未試過為一件事而咁唔開心同內疚過 而且佢係第一次主動去挽救一段感情 我到而家都未答佢 係唔係返埋一齊 因為我唔知應該點做 原諒佢? 因為佢好內疚同好有誠意挽救 放棄佢?始終都係接受唔到 大家比d意見我..呢個女仔值得我比機會嗎? 有唔明既地方可以留言 我再解答 唔該各位u仔u女... 
|
|
|
|
