自己的DIY麵包
深圳Walmart買的麵粉. 2.5kg的高筋及低筋各一包, 每包10.80人仔 (可整好多次),
葵花籽油 65.90人仔(三公升)
製作麵包要用牛油, 自己DIY, 改為用葵花籽油,...
依士粉在香港的裕記買...5,50元
葵花籽油加小許麻油....(應該會香些)
將麵粉, 鹽, 糖及依士粉混合
加入溫水...做成麵團..
再加入葵花籽油及麻油後, 跟住作第一次發酵.(發酵前個麵團是咁細個)
用膠布覆蓋, 保持濕潤., 約50分鐘應該OK
50分鐘後, 成個麵團大了好多..
分成小個的麵團, 放在烤盤上, 要先掃些油在個盤面, 唔係會黐底
這時個焗爐還是常溫, 放入一碗熱水.再放入麵團及關門, 作第二次發酵
約30分鐘左右, 個麵團變到大大個...這時已經OK.
焗爐要先預熱..
約180度左右的溫度(我個焗爐有成三十多年的歷史, 現在還正常工作, 當年的三洋, 真係在日本製造, 不同現在, 全部大陸製造)
時間制....15分鐘
放入麵團及關上玻璃門...開始
約十分鐘後, 個焗爐的溫度控制Cut了電源, 自己用手在Set溫度都200度, 令發熱管再次通電..
(這樣可令麵包面帶金黃色, 其實, 在這時掃上旦黃就最正, 為了健康D, 少食蛋黃為妙)
時間到了, 成品出爐..
麵包面的質感....像麵包店賣的"硬豬仔"包...但麵包心好軟..
DIY後的感想.
自己焗麵包, 材料及味道可自己控制, 唔用牛油或人造牛油, 應該會健康些.
我無用網隔個D麵粉, 又無用支棍壓麵團, 都可做到..可以唔洗買呢兩樣公具.
下次整吞拿魚飽..
