精藝租車(金都).....真係要諗清楚(BLACK LIST)真人真事

精藝.....真係要諗諗.

明明訂1花車, 2架28位小巴(落哂訂), 臨結婚之前3日都仲未CONFIRM車, 到臨結婚之前2日先收到電話, 但竟然講:' 不如我一架小巴車哂你地啦, 咁佢地會好做D, 咁我問佢係唔係平D, 佢又話唔係...

1. 2架車唔同地點,唔同時間出車, 但我要同時間到達, 咁試問一架車做唔做到呢?
2. 我已經BOOK左, 冇理由因為忙而CUT我車, 我當日結婚係旺日, 訂既時候已經知, 安排唔到就唔應該接ORDER. 仲要收足我兩架車車錢? 過份.
3. 仲要係我太太接電話時, cut我太太電話! 我太太好嬲. cut完都唔覆!!!

我知道精藝只係轉介人公司, 再判俾其他司機, 本身係無問題, 但佢地唔應該唔理, 佢地竟然完全唔理, 有問題就係我同司機解決! 仲要話人地冇講過cut車問題

好唔容易先問到佢地花車, 小巴車既車牌同司機名及電話, 本來冇問題. 臨結婚之前1日先收到電話亦都有一位女人打來CONFIRM好, 但問我可唔可以遲15分鐘到, 其實我都答應佢冇問題, 但遲15分鐘係極限(試問你可唔可以同証婚場地申請延遲15分鐘?), 我已經作出最後既容忍, 原本都相安無事, 但佢竟然又講同一個問題....
"問我....我都唔明你地點解要租兩架車? 一架咪得囉.", 我當時真係好火滾...仲講依個問題??? 我已經重申左3次.
我打去精藝公司同湯生, 一直都冇回覆, 直到我太太再打, 湯生竟然好悔氣講"冇人要CUT車, 你地唔好再講好唔好????"
好彩係我太太打, 如果唔係我一定爆粗, 一間完全不負責任既公司!!!!
我本來最壞打算係當日d車唔到, 我唯有俾錢俾兄弟姐妹同我太太我家人坐的士. 消委會見..
最後全部車都有到(真係多謝上帝), 但之前留既司機名, 電話同車牌都係錯......要我同伴郎搵車.
好多謝依間精藝公司, 令我真係知道金都真係有黑店.