兩公婆搵七萬, 每月可用二萬蚊供樓, 因為返工同照顧家人關係, 地點要係港島(東區不考慮), 或奧運站附近。依家租緊中西區450呎住, 打算生BB, 多數會請工人, 買新樓不能太細, 買六百幾呎冇300萬的選擇不多。但我地冇首期(假設最多拎倒30-40萬), 都唔知點好, 因為:

1) 買新樓, 按95%, 可以倒九龍區300-400萬, 700呎新樓 e.g. 海桃灣, 海濱南岸。
2) 但其實呢兩個新盤都唔係心水, 如果真係攞300-400萬買, 依家住緊的中西區/奧運站其他盤有更多二手盤選擇。問題係我地冇可能拎倒三成首期出來。如果買二手樓, 可能只係夠錢買返200零萬,同依家差唔多大的單位, 以中西區計, 一般都25年樓以上。但係買完居住環境都唔會有太大改善, 遲D生BB一樣係唔夠住。

想問下大家我地咁既情況, 買咩樓好呢? 另外, 老公話唔想同銀行借咁多錢, 例如按95%, 因為要還好多息。但係你唔借, 又點買呢? 到我地真係儲倒100萬首期買300萬的二手樓, 到時的樓價又止唔止依家的價錢呢? 仲有, 儲100萬現金都唔知儲幾耐, 咁個第日個仔又訓邊呢?

唉, 其實睇人工, 我地兩個都唔少, 但就梗係覺得自己好霉, 依家樓巿回落左D, 我地都想有自己的樓, 但都好似冇能力咁。有D朋友人工少我地一半, 都有車有樓。

樓主, 我估我同妳係同行呢..........
我又係兩公婆夾埋搵七萬到, 但又係種種原因下一直儲唔到首期...
家陣個個月比萬零蚊租, 睇來想上車都係要借九成半啦~

那是不是分別只在於保險費?

我同老公冇乜錢俾首期, 係我地住開中西區, 想買間600幾呎, 十零年的樓起碼預350萬。要買的話睇怕要做90-95%按揭。
其實多唔多人做咁多既呢? 我老公唔想同銀行借咁多, 因為佢有個朋友當年買300萬樓做95%, 到供完計返要俾300萬息俾銀行, 佢覺得好唔抵。所以佢傾向做七成按揭, 考慮買返區內大約200萬內籠OK的舊樓(超過30年, 一層有幾十戶, 冇乜管理e.g. 有人在走廊掠衫, 堆垃圾係電梯大堂)。老老實實, 我就唔係好想買.....

想問:
你地首次置業多數做幾多成按揭? 係咪唔係太多做90-95%?
有做90-95%的人, 係咪真係覺得好唔抵?萬左右, 假設一家三口加個工人計, 搵600零呎, 中西區有咩更好的選擇?

睇供款佔每月收入的ratio吧!
如果你做7成每月已用5成收入來供樓都已經好唔安全!
但你用9成按..供款只佔收入1-2成...借到盡都好輕鬆!

的確好少人用多過7成~
最旺o個陣都只係1成左右做按揭的人會用~
香港人已經上左一課...家陣好少借盡~                                                                                                                                                                                                                       

少錢剩因為之前有其他原因, e.g.幫家人還債/做手術/其他大支出。現在呢D情況已過去, 而且我地兩個份工都幾穩陣, 依家樓巿回落, 所以先諗住搵樓上車。

如果高收入，工作穩定，借95% 無問題

銀行真金白銀借幾百萬比你，收返少少利息(2-3%)好應該
無話蝕唔蝕底
你比3成首期，一樣有機會成本                                                                                                                                                                                                                       

> 因為佢有個朋友當年買300萬樓做95%, 到供完計返要俾300萬息俾銀行, 佢覺得好唔抵。

先回應你這個想法先. 舊時高按揭息口的年代(9-11%), 供款+利息真係可以等如樓價一樣咁多錢, 供完即係比左double錢.

但依家息低, 假設係按息3.5%, 全期利息只是等如樓價35%左右.