結婚慳錢方法分享(Part.1)
小弟於今年十月結婚啦, 心情既興奮又緊張, 所以我地結婚前會去一去旅行(廣東短線)興鬆一下先,haha~~結婚後去泰國度蜜月, 而加我地都準備左Ｄ野先, 想同大家分享一下, 如果你地都準備結婚可以參考一下我地而加既開支作參考:
結婚不要benz, 又貴又坐得人少, 最好問朋友借, 如果無就去租七人豪華van, 慍兄弟車, 又大又舒服又坐得人多. 又慳唔少啦
至於化妝同set頭方面因為我係有朋友介紹個化妝師比我, 而佢係自己私人做, 即係無公司抽佣, 因為一般出面個Ｄ化妝公司(金X商場個Ｄ)都只不過係接生意返黎然後外盤比佢地, 從中抽佣後佢地D收入就好少啦, 咁服務就可能差Ｄ, 所以我呢個化妝師唔接中間人生意, 亦無有己開鋪頭, 單靠朋友/客戶介紹已經夠做, 佢收得好平呀,$3888包一位化裝師加一位set 頭, 包埋頭飾, 全日新娘子早晚妝連set頭各一次, 另加兩位媽咪或兩位姊妹化妝連set頭一次, 送新朗哥(即係我啦)補粉tim ar. 上個禮拜我未婚妻已經試左妝($300), 好靚女呀!
至於婚紗,晚裝全部係深圳訂造:
$2100人仔:一件婚紗+3件晚裝+租裙掛(仲要係金銀線全新), 仲要任試任影相先落訂, 可以講平過你租, 金x個度租衫都唔止呢個價, 仲要係租tim.
我買左兩套一黑一白禮服, $500 and $600幾, 新世紀廣場唔記得好似三,四樓, 個陣做特價所以咁平.大家可以留意一下, 又係平過租仲要名牌全新.
因為我地全部衫都係訂造, 所以可地影結婚相可以唔駛幫襯攝影公司, 我地找了一位淨係攝影師+化妝師幫我地影婚紗相, 包100張執相, 100普通相 ,油畫另加$300. Total 都係$4000全日, 地點任揀
