發覺自己勁戇居.
今日我同朋友合共5位係apm睇戲.
睇完戲就出黎行街啦;
突然有幾個女仔(一個約30多歲叫janice，其餘20零)走過黎,
聲稱傳教,,(我地睇戲之前已經見到有人四圍搵中學生傳教)
(講左好多『神既話語』,係真係好有真確性.)
之後又問我地有冇信主;
又要我地比聯絡資料,果時我地竟然心諗無咩所謂啦所以就比左(花名,手電號碼同msn) (而家後悔緊
)
佢地就話會send一『d』關於教會既野比我地喎.
我地之中得我一個一早有信教,跟著佢地就想叫其他人都信,
又話咩『我地有人係樓上既一間餐廳度同人傳緊教,可以透過神無所不知既力量去了解您地既過去現在未來』
我一聽已經覺得勁有問題.
我朋友話有興趣,於是janice就打電話;
打完一輪又話『唔好意思,如果真係而家去既有排等,有人都等緊去聽,不如您地下個禮拜六黎我地教會丫.』
『下.』我心諗唔係掛.
於是我醒覺想問返佢地既資料啦;
佢地話佢地係錫安教會..
我要問佢地拎電話號碼,跟著佢地其中一人比左佢既手電號碼比我;
我又問有冇教會固定既號碼(姐係3 or 2字頭那些)
於是janice比左一張咭片,印著係錫安既,
janice寫左佢既名同手提電話號碼比我,話有咩就搵佢喎.
之後又話要我地一齊祈禱,叫我地一齊跟佢講,佢一句我地一句,
又話我唔洗祈因為我已經信左主,所以我係旁邊望住.
最後佢地強烈要求我地一齊合照;
我話唔洗 佢地又話『唔緊要啦 您地擔心? 我地都一齊影架喎』
我比人半推半搪就影左.(話說勁無聊係apm度一堆人影相)
佢地話會send返相比我地.(而家未收到.)
最後重複話會打電話提我地去教會.
返到屋企 我好疑惑於是上網search下,
發現呢個網. (驚訝
)
http://www.christianstudy.com/data/misc/zionchurch1.html
睇埋大眾對呢個教會既評價更另我心驚.
所以就開post問您地睇法.
請別單單評論我無知.
我已經有某程度上既後悔.
而家想唔理但又怕佢地有我地相(樣)有聯絡資料.. 點算?
