理想什麼的根本不重要,重要的是行為規範??
如題,唔知大家有冇睇過村上春樹既書。
唔知大家會點樣解釋兩者既分別或者關係,但如果話後者重要既話我諗價值應該比前者高D?
我唔講我既諗法,反正我一頭霧水,希望大家可以答下我D問題
以下為書中部份內容:
A:理想還是夢想的根本不重要,重要的是行為規範。
B:那你想成為怎樣的人?
A:我說出來你會笑我的,但我想成為一個紳士。
B: (忍笑) 因為行為規範嗎?
行為規範係咩?
紳士有咩特徵?有咩意義?
比較之下點解理想唔重要?
我起初以為紳士有好多特徵,或者佢就係行為規範既模範,或者佢會包括比理想之類更高層次既哲理
但查左下紳士係有咩特徵之後發覺又冇咩所獲
之後諗佢A君會唔會係一個現實主義者 或者空泛既理想對佢係咪不切實際
咁做到紳士就係做到行為規範?就係比理想更加層次?
咁點解理想唔重要呀?
因為不切實際? 但理想呢個字如果配合行動係咪就會令"不切實際"可以刪除呀?
但如果理想+行動係咪就比行為規範更有價值?
定係理想訂立既目標放得太高先係不切實際?
之後我又諗因為"理想"會離唔開目標
但某一日你達成時 目標達成左 咁理想就變得冇價值,雖然你可以再訂一個新既理想
所以行為規範比較高價值?
咁行為規範就睇落似係一種可以持之以恆 但冇終結既長途跑?所以比理想更高層次?
但理想完滿達成
可以再塑做一個新既姐
不過意義上黎講 理想作為一個周期,有壽命 而且唔係永恆
正因為會完結,係唔係緊加有價值呢?
我唔知咁樣解釋價值 可唔可以套用係"理想"入面
正如用咩價錢去衡量一件藝術品咁
好似可以,又好似唔可以
或者可能講到尾我並冇集中問題係理想&行為規範上,或者一開始我就唔應該將兩者拎黎做比較,或者應該一開始就由個別解釋。
希望大家可以講下你地既意見
