個坐廁係ROCA﹐但完全唔知道個坐廁板係唔係完裝個塊坐廁板。 我只知道係油壓。  搬左入離住兩三日﹐ 有一邊絞就斷左﹐(如圖)。  攞個絞去灣仔幾間店問過﹐ 好多都話無零件配﹐只有 換過塊新板但要五百幾蚊﹐ 又有D唔舍得﹐ 因為唔係自己樓。
係哩度睇過有樓主話有零件配得到﹐ 所以希望師兄/師姐比D意見。

剛剛搬番離HK住﹐ 所以對ROCA這個牌子完全唔識。請各位師兄/師姐睇睇圖﹐有冇人認得哩個款嘅坐廁板 , 看看個坐廁係唔係原裝﹐ 同係邊度可以配到零件。 如果不是完裝板﹐ 甘會唔會有其他零件或替用板可用。多謝晒﹗

哩塊係舊坐廁板﹐ 我係租客﹐ 搬左入離兩日就斷左個絞。  所以我都唔知到底塊板係唔係原廠ROCA 板。 請問有冇零件可以配﹐ 唔想化幾百蚊買個塊原裝板。 係荃灣問過﹐ 要$880。   平就得﹐我唔理係唔係油壓﹐ 第時搬﹐帶走都冇用。

請各位師兄師姐指點下。                                                                                                                                                                                               

荃灣哪一間?  $880差不多可買一套坐廁.一般油壓板$250以上
你或可向業主說乾淨問題更換另–塊廁板.

係荃灣千色店後面個幾條街﹐ 有幾間賣浴室裝修的。業主係個種唔想洗錢嘅人﹐ 更何況係搬左入去兩日先斷。 我諗可能原本個絞都已經裂左﹐ 但交key時﹐ 我地無留意到。當係自己上多堂課﹐ 交收時要樣樣check清楚﹗  所以我情願自己換左塊板就算。 希望邊位師兄師姐有更換過絞位零件嘅經驗﹐ 可以指點一下。  或且知道邊度買代用板平﹐ 可以一次換左坐廁板。 

你趕唔趕的?代你問問。和業主說衛生問題換另一塊廁板,不過沒油壓的。他們大多會沒問題,但新的廁板由你出錢