阿嬌到底有咩錯!?
阿嬌到底錯係邊?
佢只係一個明星
唔通明星就唔可以有自己嘅私生活?
係好耐之前
我見到佢單新聞
我真係覺得佢真係好賤
同人搞仲要比人影埋相
咁算係啲咩?
成日見啲人話娛樂圈係要靠個身先搵到食
起初我唔信
不過個陣...我信左
黎到依家佢企出黎澄清
而剛巧我遇上一個愛我嘅人
佢唔介意我好多野
個陣我先知道
當一個人陷入愛情陷阱中
就算對方要你死
你都會心甘情願
大家諗下
假若佢唔係明星
假若佢係我地香港普普通通嘅一個小市民
佢做呢啲野出黎根本唔會有人留意
唔知大家有冇試過真正愛一個人
當你完全投入一段愛情之中
你真係會無私咁奉獻
到呢個位
仲未講到中心思想 － 佢錯係邊
因為我想先講下另一個主要人物
陳冠希!
雖然時下好多男人都好下流 (我都係男人之一 = =")
不過我未曾見過一個男人可以cheap得過佢
男人可以風流,但絕對唔可以下流
情可四處留,但精就唔得!
佢可以將一段嘅性愛拍底
再留比自己""回味""已經係一個大問題
而且佢仲要save入電腦
時下資訊科技發達
連我朋友個細佬得15歲
都知道只要個硬碟未被磁化
入面啲野都可以復原番
更何係一個成年人
作為一個成年人
居然敢以
唔知可以復原為理由
帶過事件
實在有點兒開玩笑
古語有曰
慈母多敗兒
陳太仲處處維護敗兒
咁又係邊個嘅錯?
可能好多人仲係覺得
佢地做出黎嘅事係不可能原諒
但我想講阿嬌錯係錯在
愛上一個佢唔應該愛嘅人
佢天真
係因為佢無知相信左一個
處處留精嘅賤男人
佢傻
係因為佢以為陳冠希真心愛佢
阿嬌依家已經多失
失身
失地位
失名聲
失去愛
我希望大家比番啲野佢
支持
鼓勵
關心
支持係支持佢要堅強起黎面對眾人
鼓勵係鼓勵佢要重新做人
關心係要比佢知道香港仲有好多人關心佢
嬌!堅強起黎
一個藉藉無名嘅小市民支持你
