緣份的天空
唔知大家有無同感,當你每一次執屋或者搬屋嘅時候,你總會發現屋企某一個角落會有一盒或者一箱疑似雜物嘅嘢,連自已都已經唔記得幾時pack起,亦都唔記得裡面係嘜嘢!只係每次執嘢或搬嘢果時就順手放埋一邊,唔會dump亦好少開嚟睇!今日我就發現咗lee盒嘢,裡面有相簿,有信,有d小飾物等等,再一次翻開lee個盒,原來唔止以上嘅嘢,仲有回憶,一個改變我感情世界嘅回憶…….
離開咗香港,我用咗一段時間去從新投入我嘅生活同工作,雖然有dd唔慣,但係總算ok~每日準時六點起身,七點番到公司,等d人番嚟就開始打仗,有開工,無收工,總知每日例牌最早番最後走~唔知點解永遠响我最忙最想”吉”起個pat pat撩去抖抖嘅時候唔係有人衝入嚟就係電話響,今次係圍骰,先有人衝入嚟跟住電話就響,我有時真係好懷疑佢地”裝”到我!
女: Bo呀~有無見到我張單呀?
Bo: 你有無見到我攞吖?
女: 吓!?
Bo: 我唔知你講邊張? Lee度成叠你自已揾,我淨係想撩出去抖吓,你自便~(我起身行出房)仲有~下次叩門先好衝入嚟~
女: 唔係呀~
Bo: 又點呢小姐?
女: 我唔見咗……唔係……我揾唔到…..
Bo: 咩呀?(我擰轉頭)