事情好簡單，我01年識我老婆，佢係獨生女，性格比較反叛，成日同佢亞媽閙交，到03年因一次口角，嘈到話要搬出去住，後來同我同居，於05年結婚時至今日。其實過去多年來我外母對我印像麻麻。因為0係 02 – 03 年我去左我老婆
屋企住，因為我老婆係一D一拍親拖就要成日痴住男朋友0個類人，我又費是日日都要過去見佢，所以搬左去佢度住。可能係呢個原因我外母更加睇我唔起。

到05年結婚時只係求其叫左D親朋食左餐飯，或者又加多個原因，我外母同我更加冇乜兩句，到06、07年，我同我外母因一D事都嘈過兩次，我每次都好刻制自己，反之，我外母講既說話卻句句去盡，粗口都講埋，佢鬧我既說話甚至乎
已超越埋我既自尊底線 。於是乎08年我只有年初一一日見過我外母，而今年就暫時都係初一同初三，我個心結係我外母鬧我既說話句句都入心入肺，講左就收唔番，雖然佢依家都知衰，但我真係放唔底，一見到佢就無名火起 。我D朋友勸我睇開D當冇左件事 ，但呢條刺真係好深好深 ，我唸冇返三、五、七年我都下唔倒呢啖氣。大家有冇發生過類似既情况呢?

出口傷人，其實口嗰句未必對心，不過嘈起嚟再傷人geh説話都可以講出口，好似掟炸彈咁，一開口就想將對方炸到冇還擊之力啞口無言，但其實自己個心未必咁諗，嗰刻人geh自衛機制祗係想將對方擊敗擊傷，因爲對方亦傷害咗自己。唔好太介意，佢平時點對你，尊唔尊重你先係更加重要geh

佢點鬧你, 講黎聽下

你都話佢知衰囉, 咁你又做咩同佢一般見識丫
你又唔係娶佢, 話之佢丫.

講真比著我, 一年先見幾次; 咪當比面老婆由佢囉
又唔使特別對佢好, 不過亦唔使拿口拿面
記住積冤只會老得快 d, 你自己諗過