你在父母身上學到了什麼呢 ?

為人父母, 你有無在子女身上學到一些什麼呢 ?!

大家一齊來分享一下

呢個題好好  
至於我呢  我細細個同阿婆住由婆婆湊  仲有其他姨姨舅父 到 成十歲先正式同返媽媽住 不過我媽媽就住係隔離屋!!!!
所以如果我父母收工早但通常好少 一般返到來都 成十一點幾又或者我洩洩唔訓  就可以見到她地。
我從小就看到媽媽好鍚婆婆  我見到媽媽對其他人都好好  她在有能力情況下好樂意幫人  .

好記得媽媽說過:
『己所不欲  勿施於人』 所似每樣事都應該 先想想  為別人想想  不要自顧只會埋怨  教導應該在不同角度觀點身份 去做。

『尊敬長輩』在我小朋友既時候 我都會有不滿長輩想法  就好似我有好多姨姨同舅舅  但到依家為止 就算他們有時他行 錯錯對對也好  我都唔會唔比面她地  而且我深知我係晚輩  舅舅和姨姨 對對錯錯  我無呢一個資格批評他地  只有我婆婆和媽媽才有這資格 (我媽媽係大女)

『入屋叫人 入廟拜神 』  到今天為止  我每一次和她們聚會  我一定會逐個叫清楚  .而食飯我都仍然有叫  同枱食飯嘅長輩叫食飯  包括我
阿嫂.同埋要等齊人  。。。
另外亦應該別人地方  別人會有別人的一套  既然係你去 別人地就 應該尊重 別人 既宗教  尊重別人既處事作風。

『將心比己』 呢樣其實真係有難度 因為人總有私心  我都仍在盡力學習中  。

至於 無具體 語句 既  我從小便知道父母 工作辛苦  知道要待父母好  就好似父母待我公公婆婆好 一樣. 從少知道她們辛苦  知道珍惜 我擁有既事物 要珍惜. 人長大後回想 從媽媽對我曾經作出過無數既體諒和包容 。 亦令我明白人與人相處一定要 以寛心以待。
從我媽媽中我 知道家人既重要 。
   

我係人地個女, 亦係人地阿媽, 等我又分享下先~

0係我老豆身上我學識左承擔同捱, 佢好辛苦咁養大我, 有時去到水深火熱之際我諗起佢咁差既環境都冇放棄, 我都要硬著頭皮~  我老豆係一個孝順仔, 所以我都會孝順番佢 & 嫲嫲

反面教材係我老豆好cool, 唔多笑, 我覺得佢好難approach, 所以我成日對人笑囉~

至於我個女雖然只有11個半月, 但一樣令我體會到好多人生道理.  而家既佢鍾意同人玩多過玩玩具, 令我覺得"人"係重要過物質, 我應該放多d時間陪我至親.  我個女係好堅強好少喊, 打完針姑娘撩下佢仲笑得出, 有時我遇到挫折, 一諗起連個咁細既bb打針都冇事, 我都應該要撐住

另外, 因為我要照顧我身邊既至親同埋唔想令佢地擔心, 我亦學識點樣愛錫自己, 保重身體.  講到尾, 健康係最重要

我呀爸嗰時日日都要做嘢(一個搵唔到錢既老闆 )
佢脾氣又差,又無耐性...所以佢好小教我地嘢(因為成日都發脾氣 )
但記得有一次,佢無啦啦咁講故仔俾我地聽 (嗰時小二,三到...)
個故仔我仲好記得,係"菜"翁失馬,焉知非褔既故事...
可能佢好唔開心啦,真係印象好深刻架 ...
所以我一直都把呢個故仔既道理,做我既人生座右銘
但佢已經唔會再講故仔俾我聽喇...                                                                                                                                                                                                                                                                                                                                                                               

我在母親身上學懂忍耐力！

因為我母親是一個急性子的人，
有時她的急燥性格，影響到其他人都不開心，
所以由我有思想開始，就想到不要學媽媽那樣，
我要做一個有耐性的人，
這樣會令我身邊的人舒服點。

我係我個仔身上學會了"容易滿足,係快樂的來源"                                                                                                                                                                                                                                                                                                                        

學會愛
以愛轉化為力量

學識化繁為簡
不要把事情複雜化鑽牛角尖