唉...救命~冇教好訓
我屋企就黎散喇...

講講背景先,我呀爸佢係我出世[我而家都差唔多2字頭]冇耐就有精神病,唔係我地平時鬧人"痴線"果隻,係真係有料果隻
雖然係咁,但其實係佢有病後既10年左右都冇咩野,係有時喊下呀,發下牢騷呀,無端端脾氣唔好就鬧下屋企人呀
但都唔算咩大問題,而且當佢冇發作果時,對屋企人都唔算差的,雖好似癲癲喪喪咁,但我細細個果時都知,佢都唔想,佢都好想搵返野做,好好照顧家人
可惜,問題係近呢5年間出現,主要原因係我細佬越大越反叛,加上因呀爸自病左以黎冇野做,搞到屋企要拎綜緩,令到佢好憎呀爸,甚至呀爸果家人[呀麻﹑姑姐﹑呀叔等...]
所以佢成日都同呀爸嘈,次次嘈親都話我砍你,你砍我咁。
好似頭先咁,佢地2位又黎料,細佬今次仲話要報警,之後呀爸又話你報警既就砍死你
我係洗手間聽到都有D心寒,以為今次死得,聽日上得頭條喇。好采我細佬同呀媽之後都走左出去,去親戚屋企訓
不過而家我都仲心有餘悸,始終呢個炸彈好似隨時會爆咁,我真係唔希望屋企有咩命案發生,就算佢地點憎對方,都係一家人喔~,仲咩唔可以好好地咁樣相處,我知屋企人有個咁既病係好不幸既事,但又有邊個想[我呀爸果邊既人,8個中,連佢在內,3個都有精神病紀錄],點解大家唔可以諒解下?要搞到咁?
有時我真係有D憎我細佬,其實呀爸好多時發完一輪"偉論"後,都冇咩事,會自己去訓教[除非佢飲左酒],但我細佬偏偏成日駁佢咀,刺激佢。佢想點呀?唔通是但一個比人砍死左,個問題就可以解決?佢有冇諗過呀媽同我既處境呀?我已經成日同佢講,呀爸呢個炸彈係唔郁得,你唔搞佢由至可,你搞親佢就有麻煩,佢呢次唔斬人,唔等於下次冇事。萬一佢斬死晒成家人,自己再跳樓果時點?唔通呢個就係佢想要既結局?
而家我真係希望佢盡早搬出去住[佢自己都好想搬],等呀媽同我唔洗過呢D心驚膽跳既生活,當然,亦可以係送呀爸入青山,但我同呀媽都唔想。始終佢病情都未去到咁既地步,俾人送去青山,太可憐喇
但講到最尾,我最希望就係大家好好體諒下,互相遷就下大家。大家FD返,唔好白費我讀書既心機,我好希望讀好書,第時搵多小小錢,一家人好好地過生活的
唔知大家有D咩建議可以令問題唔好惡化,變得好小小,請大家幫下手

你文中無透露你daddy有無睇精神科？

其實入青山唔係你想像中咁慘，
如醫生話要入去，這個地方是可以幫到他的。

你爸爸最緊要係按時食藥，定期覆診，唔好刺激佢。