相信大部份既在職人士或是學生，
係童年既時候都會俾屋企人打過或者鬧過，我都唔例外。
我同姐姐細個既時候做錯小小事就被媽媽打。
無論公平又好，唔公平又好，都會照鬧照打，
因為作為大人既，一見到小朋友喊就覺得煩厭，
用打既方式叫小朋友收聲
現家人大左，媽媽同我講佢細個既時候都成日被公公打，
所以佢都唔鍾意公公，亦都因為咁樣，佢亦都認為只有罵同打呢種方式可以解決問題
媽媽有一個哥哥，兩個妹妹一個細佬，
個細佬唔生性，周圍爭人錢，
個２個妹妹都有中五或中七畢業，一個打政府工都搵唔少錢，
一個嫁到好老公，好有錢
個哥哥賣左架車有幾百萬，已經成家移民左去英國幾年
我媽媽同舅父可以話係呢班親戚中係窮既一輩，
但因為咁樣，個２個妹妹同哥哥個老婆有錢就睇低其他親戚，
其中一個妹妹仲有次食飯鬧我媽媽，其他親戚都無出聲
個次食飯只有我媽媽去，所以我感覺到佢十分難受
佢本身有情緒病，成日轉牛角尖，
我想佢開心ｄ，唔好成日諗ｄ親戚對佢點，
所以我現家準備會考，好想考得好ｄ幫到佢．．唔洗受冷言冷語
我自己有個家姐，佢成績雖然唔好，但我地自己一家從來都唔會迫佢做ｄ咩，
不過，佢成日都唔返屋企，係男友屋企訓，而且成日同媽媽講大話，
每當佢話返泥媽媽都好開心，但到左夜晚佢無打電話返泥，
仲人影都唔見，因為已經持續左成年，媽媽唔鍾意佢講大話．．
佢覺得自己係人地媽媽，點解個女成日都唔返屋企，仲講大話

現家親戚返泥，一個電話都無打俾我地，
更加明顯，媽媽覺得我呢個屋企不受重視，
我可以點樣幫到佢？其實上年都係因為屋企問題，
無法全力應赴考試．．
我唔介意幫媽媽解決困難，哄下佢開心，
不過，點解好似點做都無辦法令佢有笑容？
佢成日都出去搵朋友玩，我唔介意，
不過佢打麻雀輸左就黑口黑面，實鬧大交．．
唉．．．

轉介給社工，用專業方法處理

因為您媽媽有情緒病，而且思想不成熟

佢一路都有睇醫生有食藥，
不過屋企人幫唔幫到佢？                                                                                                                                                                                                                                                                                                                       

樓主你要知道人地點睇自己/你地一家...呢d係冇辨法控制.
同埋你而家都臨近會考, 你就唔好諗屋企d嘢住了.
你自己考好個會考, 再考好A level後入大學.
呢d就係你對你屋企, 最好的回報了.

咁又係～人地既想法係無法控制～
唔該你先

you are such a good kid..   

do u think it's ok to let you mom read this message? then will she be happy to have you?

sometimes the most helpful thing fm family is to support, and you have such good heart to make your mom happy, what can she ask for more?

add oil                                                                                                                                                                                                                                                                                                                                                                               

樓主千其唔好介意
e個社會就係咁
憎人富貴厭人貧
就算你入左大學
d同學都會分group
例如名校/有錢既就會一齊
好似我公司
有三個同級既高層
兩個父母都係專業人仕一個係草根
佢係公司都無地位
所以你要明白e點
做人係為自己而活
少d出席親戚聚會

樓主,呢啲咁嘅親戚可以不理，大前題顧惦自己個家庭。