到底辛唔辛苦?
依家好多工engineering都要番廣東, 甚至長註

我見過好多 香港人夜媽媽先過關番香港
如果一個星期2-3日咁都好辛苦

會唔會長註無即日來回咁辛苦?
長註會唔會反而準時放工?

因為小弟身體唔好, 又無北上經驗, 所以要考慮好多野先, 謝謝

我以前都有咁既情況, 唸左好久. 長駐大陸好辛苦, 悶! 除非你去夜場,但又使$!

我有2-3個同學,我勸佢地唔聽, 佢地返去深圳東莞做野, 長駐,1-2年後已回流香港.

但去大陸長駐如是高級職位,則另作想法, 可以制得過, 如是普通職員, 一個ENGINEER仔, 我認為都係唔好返去好!

大陸大把engineer比你強比你平, 考慮一下老闆點解搵個香港人上大陸長註?

我都係喺大陸長註, 以前份工係即日來回,
其實長註係冇即日來回咁辛苦, 但真係好悶
不過有好多同事都係長註咗好多年
佢哋都冇咩問題, 有時悶就會夜晚返香港囉

長註大陸悶到想死，一定要泡下o的女工或女同事咁先令人有動力長期留係大陸.

小心大陸法律問題....一陣有咩事要你"咩"

我o既問題唔係怕悶, 悶可以打下機, 上o下網
只要星期六日返香港就得

問題d 公司會唔會準時收工, 唔會見你有宿舍用到盡
隨時check 你返廠?

我就係怕果 d "travel frequently to China "
因為我以前份工響香港, 佢話間中番都唔怕, 但即日來回仲要連續o既應該會做唔o黎

station 果 d 係唔係多數高人工過香港, 仲有包埋食宿? 咁捱得過幾年咪慳到唔少?

另外 d 宿舍係咪通常都會好近公司, 快過新界出九龍番工?

不過自己要洗衫執房買日用品,  都唔會好悶掛...

依家差唔多無得揀, 係睇下番幾多大陸
再push一下

我做過幾年長駐大陸啦~~真係悶爆~~日就對果D 人夜又對個班(夜晚有時會約出去食返餐好D)
頭個半年好好玩~~成日去夜場果D~但慢慢又無左個心態....真係去到唔想去, 而且重會用多好多$
講真依家大陸好多ENGINEER~~當中有好好又有好差, 但講量同人工~~其實點都SO 過請HK人, 而且也慢慢取締了HK人啦~(舊公司依家都係得D M位係HK了)
就算你想係大陸落地生根都未必易