件事係咁既
我男朋友同我拍拖之前, 有一個暗戀左幾年既女同學, 佢地無開始過
佢週不時都有提及到呢個女仔, 有時稱呼係「我以前鐘意果個女仔...」
有時口快快會變左「我鐘意果個女仔...」
佢會講好多野俾我知, 唔會暪我...包括果個女仔既一切

咁今日同佢貪得意去買六合彩
佢買既number係...我生日+ 男友生日+ 果個女仔生日...
咁我無出聲

之前佢有一個account的密碼, 都係用果個女仔生日
唔係之前改開既...係即時用既account來的
我當時也是無出聲...因為我都有一個e-mail的password係小學暗戀既男生tel no
咁我諗住人人都有過去, 我個password到係用到熟左費事改而己

但係對於佢咁大刺刺地使用該女仔的生日...我硬係有D唔舒服...
佢唔係用慣左果隻...佢有意識到呢個number既意義...
有次佢自己講...呢個number係一個生日日期...之後我先恍然大吾...

大家睇完...我最想知...我係咪好小器呢?

引用:

件事係咁既
我男朋友同我拍拖之前, 有一個暗戀左幾年既女同學, 佢地無開始過
佢週不時都有提及到呢個女仔, 有時稱呼係「我以前鐘意果個女仔...」
有時口快快會變左「我鐘意果個女仔...」
佢會講好多野俾我知, 唔 ...

唔算ge   都係一種記野方式姐
佢依家又無對個個女仔有D 咩

過去進行式，你發佢臭四，你就係小器。
現在進行式，你發佢臭四，都係人知常情。

女人永遠唔可以容納第二個女人。

喺貼CASE既女生入面.........
白粥姐姐,你算好正常果堆黎架啦~~

所以唔想批得太狠
喺呢壇野黎講,你的確小氣左少少

白粥姐都係我地的朋友

用一下男人的角度呢……男人有時係會依戀住個回憶，但係回憶歸回憶。
唔會用行動來再次追求番個回憶。
就好似得閒拎呢收藏品出來回味下。

白粥姐得閒可以同你男朋友一齊睇下佢的收藏品。
唔好連佢想睇收藏品的權利都小氣。

小氣咩...  我又唔覺喎
你無即場插你男友我覺得已經係比足面佢
在於我立場..  首先我自己都有d回憶係關係其他女仔既
但我唔會隨便拎呢d野出黎分享or掛響口邊
除非我知道我女朋友真係唔介意
如果唔係我只會暗暗地去林..   因為始終呢d都係私人既野黎
我唔知上面幾位心態係咩啦..
我會首先林如果掉返轉個角色會點呢..  當我接受唔到既時候我就唔會去做呢件事

唔係既
但如果比著我   會有小小嬲
可能會覺得你都同我1齊   仲用其他女仔生日 日期黎買6合彩  其他既野之類
不過  每個人都有過去
佢可能只係念舊姐
無乜野既
小器小幾個日好啦
太小器又唔得架

有好深既意義....係唔係恨意咋

妳都末反檯!邊到小氣!

你知唔知白粥姐講呢件事出來，就係覺得自己小器。佢先問人地認唔認為佢小氣。
我地係叫佢下次大方。

男人講佢以前呢野出來，只係個男仔覺得女朋友應該知道佢的過去。
呢個人尊重女朋友的一種方式。
如果女人係大方的，係會欣然接受。

如果個男人係收埋佢的過去，重暗地裹同個女仔出來見面。
即係當佢女朋友冇到，既龜縮又唔尊重個女朋友。

我認同大多數女仔都唔會再聽到男朋友的過去，但係個男朋友係拎自己同埋以前的女仔比。
呢個男仔就抵打。
如果個男仔因為佢的過去而學懂了一樣得著，然後同個女朋友講佢的過去。
呢個就係男人想同女朋友達成共識。

至於你話如果個男朋友成日講個女仔？
第一，個男朋友而家同個女仔有沒有見面。
第二，個男仔之前有沒有同女朋友確認同之前的女仔，以前同而家的關係。
呢樣野，身為女朋友好易睇得出。

女人，呢個時刻小氣(應該係呷醋)係正常，因為人唔可以重天候廿四小時都可以咁理智。
而家白粥姐而家質疑緊自己係唔係真係小氣，呢個係一個好理智的想法。
所以佢就講呢個case出來。

只不過而家我睇得出，最唔理智就係你。
重有，你上面話：你無即場插你男友我覺得已經係比足面佢 (你係唔係想人地分手呀，你的意見係一個明顯的野蠻行為。)

同身邊的人講出你的不滿係一個好好的學問。
選擇時間，語氣同埋用詞都足以影響到大家最後得出來的共識。

24小時(除左訓覺)保持理智呢一點,BB已經做到了~~XD

引用:

你知唔知白粥姐講呢件事出來，就係覺得自己小器。佢先問人地認唔認為佢小氣。
我地係叫佢下次大方。

男人講佢以前呢野出來，只係個男仔覺得女朋友應該知道佢的過去。
呢個人尊重女朋友的一種方式。
如果女人係 ...

你唔好將你認為既事合理化啦..   邊個話男人係會覺得女朋友應該要知道自己既過去先
每個人都會有自己既過去..  有自己既秘密
講出黎尊重對方..  但唔講亦都唔等於唔尊重
我有權唔講架下話..
但我無教人地瞞住自己女朋友去約其他女仔...
就算有見面又點先..  咁又唔俾呀?
有度仲好笑..  你話經過教訓學到樣野想同個女仔講
咁講到尾咪即係想個女仔為自己改變..  唔好做d自己唔鍾意做既野
好聽d就話想大家有共識..   有無共識你識佢個陣你唔清楚既
追人地個陣唔知道人地既林法係點既..  同自己夾唔夾既然後到頭黎就講警告佢唔好犯呢d錯
咁你追人把鬼咩...
至於你話我咩野蠻行為..   我係讚緊佢識大體唔會響公眾地方大吵大鬧
我完全無叫過佢去鬧人囉唔該!!
發生呢d事樓主會唔開心,,  我理解..  你都應該理解
但我唔覺得咁樣唔係叫做小器..
可能係你地口中既"呷醋"..   但唔該你攪清楚"小器"同"呷醋"係兩件事黎既
針唔吉到肉永遠都唔知咩叫痛既...
你自己俾d幻想力林下如果你女朋友 我係講如果佢同你講「其實呢我心入面呢就有第2個男仔既...  佢就忘記唔到佢..  你唔好林住你可以取代佢 令我忘記佢呀」
聽完你個心up唔up呀聖人?
由頭到尾我淨係想講樓主呢件事真係令到佢唔開心...  而佢既處理手法做得岩 : 唔會響公眾地方大吵大鬧
我覺得問題唔係樓主林自己小唔小器.  而家佢應該好好咁同個男仔講下自己感受

唔算小氣,人知常情....

下次你可講返你和前男友果d甜蜜野比佢知,等佢先到愛情路上甚麼是大忌

唔小器,
記個新密碼有幾難?
做咩6合彩要買佢生日日期,佢咩意思