旺角魚街樂悠ｘ水族公司買貨半小時後回家試壞了不可換．也不可退錢．態度惡劣．用舊貨充當新貨賣．價錢比較貴．同一商品隔離店平５０蚊．你地自己可以去格下價．（我簡短一點解釋如下）
事件係甘既．我去左旺角魚街近街尾有間叫樂悠ｘ水族用品公司買個乾濕兩用既氣泵．點知買個時．我無留意佢本身個紙盒都好舊．同埋無說明書．佢即場有試過比我睇．我無仔細留意出氣既情況理唔理想．但係我買左返屋企之後出氣好弱．仲弱過我原本用緊個氣泵最細度．半小時後就即壞．我就拎返去換啦．點知我同佢講壞既．佢就已經態度唔好．個老闆娘一路拎第２個新既出黎．一路話：（我地平日唔會換貨比人架．而且我岩岩又試過比你睇）比老闆娘依依哦哦左５分鐘左右．之後我諗左一諗我就同佢講甘好啦．我退錢．因為我今日買返到屋企壞既．用得半小時．我都即時駕車去換．唔等第２日先去換．佢都話原本唔換．甘如果我換左返去都係用得半小時．甘咪又係無得換．我同老闆娘講甘我今日買既你都唔想換貨既．甘我退錢啦．因為講真．我真金白銀同你買．半天保用都無．．主要係個老闆娘一路拎第２個新既比我既時候．一路鬧我．話我係咪自己整壞．係咪跌過．係咪濕過水．我賣比你之前部機會聲架啵．等等...問左我好多條問題．我唔介意你問．但係我答完佢又唔信我．之後無拿拿有一個廿歲左右既男仔出黎搭訕．應該係老闆娘個仔．佢地２個一起態度差．我買野仲要受氣．當時６點幾晚上．越來越多人睇ｓｈｏｗ．我原本都打算換完叫佢寫返張單比我．包我１天內壞可以退錢．點知我老公原本係車等我．見到我好似比人圍甘．都即時落車．問我而家點．係唔係唔換之類既問題．．之後傾左一陣．我再普通解釋一下我買完個泵之後返屋企點用o個半小時．之後個老闆娘個仔好串好囂既態度對住我老公．(其實一路上佢地對我既態度都好差.只係我忍得到.我怕事.唔想麻煩.換到就算個隻或者肯退錢就更好啦)我老公受唔到佢地既態度(態度差方面既對話太長.所以簡短左)仲差ｄ同佢打交甘滯．．當時舖頭已經圍左成十個人以上．老闆娘見事敗.要做其他客生意.怕整臭間舖既聲譽.即時話退錢比我算啦.仲拿拿林拎d錢放係我手.我老公繼續嘈緊.我見退左錢.就即刻拉我老公走啦.~~~~事發時．間舖有老闆娘．老闆娘個仔．同埋老闆．３個人原本想蝦我一人．之後我老公出現．大家嘈左幾句先肯退錢．佢根本就係想蝦我女仔（簡短地講完．如果有咩問題可以問我．我願意詳細ｄ答你地．總之唔好比樂悠ｘ水族公司呃就得了）
～～～～～～
點解話佢賣舊貨．因為佢退完錢之後我去隔離舖用１７０蚊買返佢原本賣２２０蚊既氣泵．貨物一樣價錢隔離平５０蚊．返到屋企打開．１７０蚊買既有說明書．包裝新．而在樂悠ｘ買既無說明書，盒舊，同埋氣泵有水用紙巾搽時有黑色積
另外一提．我２２０蚊－０－買個壞既再拎返去換．油費隧道費來回都已經夠我買３５０蚊以上既更靚氣泵了
http://tw.knowledge.yahoo.com/question/question?qid=1009011802364
剛剛在網頁上看到．消費者係有七天包換權益．
