溫馨的照片..眼淚不其然流
從小學到依家中五了~8年既時間唔短~呀蚊佢系我見過女仔入面最細路女既~但系都系最溫柔同斯文既一個~都系我唯一暗戀既女仔
從小學開始就有一種想去好好保護佢既感覺...佢每一年既生日我都會陪佢去過...每一個生日蛋糕.每個佢收到禮物既笑樣.
陪伴佢過左8年既情人節..但系我身份系好朋友..我唔敢隨便行多一步..因為我怕..怕永遠失去佢
睇住佢大個.去學跳舞.去出show.我一個大男人拎住2支打氣棒..仲大聲過D女仔.連尷尬系咩都唔知
每年我生日佢送比我既都系一份親手整既禮物..由一開始整既一個個大洞既毛公仔鎖匙扣..去到個頭咁大既令令毛公仔
一對親手削既筷子..直到一條整左幾個禮拜都無覺好訓..令我流眼淚既溫暖牌頸巾..都令我產生一份好幸福既感覺..
每一份你送比我既禮物我都收藏得好好..我明白即使要我付出幾多我都覺得無所謂..大個女既你開始多左好多我唔識既朋友..
佢地都會介紹好多男仔比你識~但系你始終都鍾意系我身邊轉黎轉去..直到一日你撞上輝仔..一個好男仔
我好幸運可以見證埋你既初戀..雖然我好希望可以一路企系你左右支持你...但系你已經唔再需要我了..
你就算情人節之後都會話比我知你好開心~好幸福..雖然我個心口真系好痛..痛到返到屋企會自己躲埋喊
但系我都依然希望依然想你講比我知,講我知你好快樂..你受到保護..講我知佢可以頂替我既位置..永遠都保護你
因為我真系差唔多時間消失系你面前..輝仔答應我就算一日你地分開左..佢都會幫我把守住照顧你既依一關..
傻妹~你好快會收到你8年黎送比我既禮物..連埋你用黎包禮物既禮物紙我都有留住
可能我最後都唔會講我愛你..到你知道既時候..我相信你都無可能再去搵到我..
你話我系第一個同你睇日出既人~同時都系好多你人生中第一次既人..第一次食你整既朱古力既人
但系我唔系你心入面既第一位..天下起雨了 人是不快樂 我的心真的受傷了..可能我都系時候
去過一D唔系充滿眼淚既生活,今日系我地最後一次見面...系最後了.............