上星期五晚上, 我在荃灣某屋村M記叫嘢食, COUNTER一名叫JUNE的員工真係令我覺得......
我幫襯佢搵佢SERVE我係咪有罪??佢咁嘅面口嘅??
佢四眼, 普通十幾歲妹妹仔一名, 當時M記內有D屋村少年食嘢嘻嘻哈哈.
我叫咗個兒童餐, 因為要揀配咩食, 我點好咗, 跟住佢襟個CASHIER出張單叫我俾錢, 我俾咗錢, 跟住佢好唔願意好似死老豆咁樣(但對眼唔望人)小姐係咪個兒童餐薯條要轉粟米?下??頭先我咪清清楚楚, 又係你俾個MANU我睇, 我又用手指住又用口話埋你知我要乜, 算啦, 見佢小朋友, 我:"係呀", 跟住佢拿住張單, 我睇到佢明顯打咗係薯條, 跟住佢同薯條機旁同事講:"唉~~轉粟米喎~" 都算嘞, 又唔係成日來.
跟住我同佢講:"唔該俾個大膠袋裝起晒佢.(因為仲有其他嘢食叫咗)" 佢應咗我:"好~"
跟住佢一個膠袋都冇攞過, 兩抽紙袋兩抽膠袋:"拿,小姐, 你要的XXXXXX"
我有少少火火地, 但都忍係啦, 咁多後生仔女在場, 都唔知佢地會唔會指我YOUTUBE.
我:"唔該我要個袋"
佢:"唉~~嘖!!"
我要個膠袋因為我同個小朋友一齊, 我方便拖住個小朋友啫, 我夠知唔環保啦!! 唔係咁樣對我呀???
跟住佢真係全程唔望人, 個樣100%死老豆咁遞袋嘢俾我.
真係, 食M記薯條都夠晒熱氣, 仲要俾條四眼西俾面色我睇, 真係一瞼爆瘡喇我.
